Almaty qalalyq Tótenshe jaǵdailar departamenti Jańa jyl meiramy qarsańynda órt qaýipsizdigin qatań saqtaýǵa shaqyrdy, dep habarlaidy "Ult aqparat".
«Turǵyndar pirotehnikalyq buiymdardy tek ruqsat etilgen jerlerde, sertifikaty bar satýshylardan ǵana satyp alýy tiis. Satyp alǵanda buiymnyń qaptamasy bútin tiis bolýy kerek. Bul zattardy qoldanǵan kezde balalar qashyqta turýy kerek. Adamdar kem degende 50 metr radiýsta qashyqta turýy shart. Qatty jel soǵyp turǵan kezde saliýt atpaǵan durys. Atylmai qalǵan jaǵdaida qasyna baryp úńilýdiń qajettiligi joq. Petarda men feierverkterdi adamdardyń aiaq astyna laqtyrmaǵan abzal», - dedi TJD mamandary.
Resmi derekterge sensek, jyl saiyn jańa jyl qarsańynda 10-15 órt tutanady.
Tilsiz jaýdyń 30 paiyzy pirotehnikalyq buiymdardy durys qoldanbaýdan bolady.
Máselen, 2020 jyly 13 órt bolǵan. Onyń 5-eýi petardalardyń jarylýynan boldy. 2019 jyly 31 jeltoqsanda Áýezov aýdanyndaǵy kóppáterli úidiń 9 qabatynda balkonda buiymdar órtendi. Kóshedegi adamdardyń atqan petardasy qaptalmaǵan balkonǵa túsken.
Byltyr pirotehnikalyq buiymdardy abaisyz qoldanǵan 4 adam, onyń ishinde 3 bala men 1 eresek adam kózi kúiik shalyp aýrýhanaǵa túsken.
