باس پروكۋراتۋرا مال ۇرلىعى ٷشٸن جازانىڭ قالاي كٷشەيتٸلەتٸنٸن تٷسٸندٸردٸ, دەپ حابارلايدى "ۇلت اقپارات".
باس پروكۋروردىڭ ورىنباسارى مارات احمەتجانوۆتىڭ ايتۋىنشا, جاڭا زاڭ جوباسىنا "مال ۇرلىعى" دەگەن بٶلەك باپ ەنگٸزٸلٸپ وتىر. ول قىلمىس ٷشٸن باسقا قىلمىس تٷرلەرٸنە قاراعاندا جازا قاتال بولادى.
"قازٸر مال ۇرلاۋ كەسٸپكە اينالعان. ونى, كٶبٸنەسە, توپ بولىپ, الدىن الا سٶز بايلاسىپ, قورا-جايعا بۇزىپ كٸرٸپ جاسايدى. ونداي ۇرلىقتا ۇيىمداستىرۋشى, قاساپشى, تاسىمالداۋشى, جالعان قۇجات جاسايتىندار, بازاردا الىپساتارلار بولادى. ٶكٸنٸشكە قاراي, بۇل قىلمىسقا قامقورشىلىق جاسايتىن شەنەۋنٸكتەر مەن قۇقىق قورعاۋ ورگاندارى دا بار. وسىنىڭ بەرٸ جٷيەلٸ جولعا قويىلعان قىلمىس بولىپ كەتتٸ", - دەدٸ احمەتجانوۆ سەناتتىڭ پلەنارلىق وتىرىسىندا.
ونىڭ سٶزٸنە قاراعاندا, ەندٸ وسى قىلمىستا "تەرٸس قىلىق" پەن "ورتاشا اۋىر قىلمىس" دەگەن انىقتاما بولمايدى. زاڭ جوباسى بويىنشا قوماقتى ايىپپۇل مەن 5 جىلعا دەيٸن باس بوستاندىعىنان ايىرۋ جازاسى قاراستىرىلعان. ال ٸرٸ مٶلشەردە ادامدار توبىمەن الدىن الا سٶز بايلاسىپ جاسالسا, 7 جىلعا دەيٸنگٸ جازا بولادى.
"بٸرنەشە رەت نەمەسە مال-قوراعا كٸرٸپ جاسالسا, 10 جىل. اسا ٸرٸ كٶلەمدە جەنە قىلمىستىق توپ بولسا, 12 جىلعا دەيٸن باس بوستاندىعىنان ايىرۋ كٶزدەلٸپ وتىر", - دەپ اتاپ كٶرسەتتٸ احمەتجانوۆ.
ايتا كەتەيٸك, سەناتورلار قىلمىستىق زاڭنامانى جەتٸلدٸرۋگە ارنالعان زاڭ جوباسىن بٸرٸنشٸ وقىلىمدا ماقۇلدادى.
