ماقتاارالداعى توپان سۋدان زارداپ شەككەن تۇرعىندارعا باتىس قازاقستان وبلىسىنان 20 تونناداي گۋمانيتارلىق كٶمەك كەلدٸ. قايىرىمدىلىق كەرۋەنٸن «Nur Otan» پارتيياسى باتىس قازاقستان وبلىستىق فيليالى ۇيىمداستىرىپ, جەرگٸلٸكتٸ كەسٸپكەرلەردٸ جۇمىلدىردى, – حابارلايدى "ۇلت اقپارات".
جالپى قۇنى 10 ملن تەڭگەلٸك جٷك اتاكەنتتەگٸ ورتالىق قويماعا جەتكٸزٸلدٸ. اقجايىقتىڭ جاعالاۋىنان كەلگەن ازاماتتار تۇرعىنداردىڭ سۇرانىسىنا سەيكەس, ازىق-تٷلٸكپەن قاتار ٶزگە دە قاجەتتٸ زاتتاردى الا كەلگەن. ونىڭ ٸشٸندە 1 توننا ۇن, 1500 ليتر ٶسٸمدٸك مايى, 2000 دانا كونسەرۆٸلەنگەن تاعام بار. وعان قوسا 1 مىڭ دانا شەلەك پەن كٸر جۋعىش ىدىستار, 300 تٶسەنٸش پەن جىلى جامىلعى دا جەتكٸزٸلگەن.
ماقتاارالدىق جۇرتشىلىققا سونداي-اق, «تالاپ» اق انتيسەپتيكتەرٸ مەن گيگيەنالىق زاتتارى, جٶرگەكتەر دە تاپسىرىلدى. بۇل زاتتاردى جيناقتاۋعا سول ٶڭٸردەگٸ وبلىستىق مەسليحات دەپۋتاتتارى نۇرعازى سەتباەۆ پەن مۇرات جەكٸباەۆ, ۆالەريي گولوۋحوۆ پەن ۆالەريي كرىلوۆ جەنە «كۋبلەي» جشس ۇجىمى مەن مەتسەناتتار اتسالىسقان. باتىستاعى اعايىننىڭ ىستىق ىقىلاسىن الا كەلگەن ازاماتتار ماقتاارالدىقتارعا ەرٸ قاراي كٶمەك كٶرسەتۋگە دايىن ەكەنٸن بٸلدٸردٸ.
