Maqtaaraldaǵy topan sýdan zardap shekken turǵyndarǵa Batys Qazaqstan oblysynan 20 tonnadai gýmanitarlyq kómek keldi. Qaiyrymdylyq kerýenin «Nur Otan» partiiasy Batys Qazaqstan oblystyq filialy uiymdastyryp, jergilikti kásipkerlerdi jumyldyrdy, – habarlaidy "Ult aqparat".
Jalpy quny 10 mln teńgelik júk Atakenttegi ortalyq qoimaǵa jetkizildi. Aqjaiyqtyń jaǵalaýynan kelgen azamattar turǵyndardyń suranysyna sáikes, azyq-túlikpen qatar ózge de qajetti zattardy ala kelgen. Onyń ishinde 1 tonna un, 1500 litr ósimdik maiy, 2000 dana konservilengen taǵam bar. Oǵan qosa 1 myń dana shelek pen kir jýǵysh ydystar, 300 tósenish pen jyly jamylǵy da jetkizilgen.
Maqtaaraldyq jurtshylyqqa sondai-aq, «Talap» AQ antiseptikteri men gigienalyq zattary, jórgekter de tapsyryldy. Bul zattardy jinaqtaýǵa sol óńirdegi oblystyq máslihat depýtattary Nurǵazy Sátbaev pen Murat Jákibaev, Valerii Goloýhov pen Valerii Krylov jáne «Kýblei» JShS ujymy men metsenattar atsalysqan. Batystaǵy aǵaiynnyń ystyq yqylasyn ala kelgen azamattar maqtaaraldyqtarǵa ári qarai kómek kórsetýge daiyn ekenin bildirdi.
