توپان سۋ باسقان ماقتاارال اۋدانىنا الماتى وبلىسىنان 260 توننالىق گۋمانيتارلىق كٶمەك كەلٸپ جەتتٸ. 100 توننا ازىق-تٷلٸك پەن 160 توننا قۇرىلىس ماتەريالدارى 15 جٷك كٶلٸگٸنە تيەلگەن, دەپ حابارلايدى "ۇلت اقپارات".
«Nur Otan» پارتيياسىنىڭ «بٸز بٸرگەمٸز» اكتسيياسى اياسىندا جەتكٸزٸلگەن كٶمەك كەرۋەنٸندە ازىق-تٷلٸك پەن گيگيەنالىق زاتتار, قۇرىلىس ماتەريالدارى بار. بارلىق جٷكتەر وبلىستىق شتابتىڭ اتاكەنتتەگٸ ورتالىقتاندىرىلعان قويماسىنا جەتكٸزٸلگەن. ال, قۇرىلىس ماتەريالدارى مىرزاكەنت كەنتٸندەگٸ قۇرىلىس بازاسىنا تٷسٸرٸلدٸ. ايتا كەتەيٸك, كٶمەك كەرۋەنٸن الماتى وبلىستىق جاستار ٸسٸ جٶنٸندەگٸ باسقارما باسشىسى جومارت قاراتاس پەن «Nur Otan» پارتيياسىنىڭ الماتى وبلىستىق فيلالى تٶراعاسىنىڭ بٸرٸنشٸ ورىنباسارى جانبولات جٶرگەنباەۆ باستاپ كەلگەن.
جومارت قاراتاستىڭ ايتۋىنشا, گۋمانيتارلىق كٶمەكپەن بٸرگە تاسقىن بولعان ايماققا تالدىقورعاندىق 20 ەرٸكتٸ جاس تا جەتكەن. ولار الداعى ۋاقىتتا ماقتاارال اۋدانىنداعى قۇرىلىس جۇمىستارىنا اتسالىسىپ, تٷركٸستاندىق ەرٸكتٸلەرمەن قويان-قولتىق ەڭبەك ەتەدٸ.
«قازاق ەلٸ قاشاندا بٸر جەڭنەن قول, بٸر جاعادان باس شىعارىپ, قيىن سەتتە بٸرلٸكپەن بٸر-بٸرٸنە دەمەۋ بولا بٸلگەن حالىق. ەلٸمٸز وسىنداي سىن ساعاتتى باستان كەشٸرٸپ جاتقان شاقتا تٷركٸستان وبلىسى ماقتاارال اۋدانىندا بولعان اپات بارشا قازاقستاندىقتاردى الاڭداتىپ وتىرعانى بەلگٸلٸ. وسى ورايدا ماقتاارال حالقىنا ەل بولىپ قولداۋ كٶرسەتٸپ, مەملەكەتٸمٸزدٸڭ تٷكپٸر-تٷكپٸرٸنەن كٶمەكتەر توقتاۋسىز كەلٸپ جاتىر. بٷگٸن بٸزدە وبلىس ەكٸمٸ اماندىق باتالوۆتىڭ باستاماسىمەن جەتٸسۋ جۇرتشىلىعىنىڭ اماناتىن ارقالاپ كەلٸپ وتىرمىز. بۇل كٶمەك كەرۋەنٸنە كيەلٸ ٶڭٸرٸمٸزدٸڭ كەسٸپكەرلەرٸ مەن دەمەۋشٸلەرٸ جەنە ەرٸكتٸلەر ٶز ٷلەستەرٸن قوستى», - دەيدٸ جانبولات جٶرگەنباەۆ.
جەتٸسۋ جۇرتشىلىعى جٸبەرگەن 260 توننا جٷكتٸڭ ٸشٸندە 18 توننا ۇن مەن 7 توننا كٷرٸش, 3 630 ليتر سۇيىق ماي مەن 6 توننا ماكارون جەنە باسقا دا ازىق-تٷلٸكتەر بار. سونداي-اق, 6 مىڭ شارشى مەتر قۇرىلىس اعاشى مەن 100 توننا تسەمەنت, 20 مىڭ دانا كٸرپٸش پەن 90 قاپ قۇرىلىس قوسپاسى, 15 توننا گيپسوكارتون مەن 10 توننا قۇرعاق قوسپاسى بار.
