تٷركٸستان وبلىسىنىڭ پوليتسەيلەرٸ كەزەكتٸ كٶكپاردى انىقتادى, دەپ حابارلايدى "ۇلت اقپارات" وبلىستىق پوليتسييا دەپارتامەنتٸنە سٸلتەمە جاساپ.
ماقتاارال اۋدانى پوليتسييا بٶلٸمٸنٸڭ قىزمەتكەرلەرٸ كارانتين تالاپتارىنىڭ ساقتالۋى بويىنشا كٷندەلٸكتٸ قارقىندى جۇمىس اتقارۋدا.
وسىنداي كەزەكتٸ رەيد بارىسىندا, كٷندٸزگٸ ساعات 13:30 شاماسىندا ماقتاارال اۋدانى مىرزاكەنت كەنتٸنە بەكٸتٸلگەن ۋچاسكەلٸك پوليتسييا ينسپەكتورلارى ماقتاارال اۋدانى بويىنشا قۇرىلعان موبيلدٸ توپپەن بٸرگە بٸرلٸك اۋىل ەكٸمشٸلٸگٸ پەرنەباەۆ اۋىلىنا قاراستى ەگٸستٸك القاپتا 60-قا جۋىق ادامنىڭ باسىن قوسىپ, كٶكپار ۇيىمداستىرىپ جاتقانىن انىقتادى.
تەرتٸپ ساقشىلارى كٶكپارعا جينالعان قاۋىمدى تارقاتتى.
سونىمەن قاتار, موبيلدٸ توپ بەلگٸلەنگەن تالاپتى ساقتاماي, كٶكپار ويىنىنا كەلگەن تۇرعىندارعا تٷسٸندٸرمە جۇمىسىن جٷرگٸزدٸ.
بۇدان بٶلەك, ادامداردىڭ كٶپتەپ جينالۋىنا جول بەرگەن جوعارىدا اتالعان كٶكپار ويىنىنىڭ ۇيىمداستىرۋشىسىنا قر ەقبتك 425-بابى بويىنشا ەكٸمشٸلٸك قۇجاتتار جيناقتالدى.
جيناقتالعان قۇجاتتار زاڭدى شەشٸم قابىلداۋ ٷشٸن سەس-كە جولداندى.
ٶز كەزەگٸندە ماقتاارال اۋدانى پوليتسييا بٶلٸمٸنٸڭ جەرگٸلٸكتٸ پوليتسييا قىزمەتٸ بٶلٸمشەسٸنٸڭ ۋچاسكەلٸك پوليتسييا ينسپەكتورلارى باس مەملەكەتتٸك سانيتارلىق دەرٸگەرٸنٸڭ قاۋلىسىنداعى شەكتەۋلەردٸ ساقتاۋعا شاقىرادى.
