Túrkistan oblysynyń politseileri kezekti kókpardy anyqtady, dep habarlaidy "Ult aqparat" oblystyq politsiia departamentine silteme jasap.
Maqtaaral aýdany politsiia bóliminiń qyzmetkerleri karantin talaptarynyń saqtalýy boiynsha kúndelikti qarqyndy jumys atqarýda.
Osyndai kezekti reid barysynda, kúndizgi saǵat 13:30 shamasynda Maqtaaral aýdany Myrzakent kentine bekitilgen ýchaskelik politsiia inspektorlary Maqtaaral aýdany boiynsha qurylǵan mobildi toppen birge Birlik aýyl ákimshiligi Pernebaev aýylyna qarasty egistik alqapta 60-qa jýyq adamnyń basyn qosyp, kókpar uiymdastyryp jatqanyn anyqtady.
Tártip saqshylary kókparǵa jinalǵan qaýymdy tarqatty.
Sonymen qatar, mobildi top belgilengen talapty saqtamai, kókpar oiynyna kelgen turǵyndarǵa túsindirme jumysyn júrgizdi.
Budan bólek, adamdardyń kóptep jinalýyna jol bergen joǵaryda atalǵan kókpar oiynynyń uiymdastyrýshysyna QR ÁQBtK 425-baby boiynsha ákimshilik qujattar jinaqtaldy.
Jinaqtalǵan qujattar zańdy sheshim qabyldaý úshin SES-ke joldandy.
Óz kezeginde Maqtaaral aýdany politsiia bóliminiń jergilikti politsiia qyzmeti bólimshesiniń ýchaskelik politsiia inspektorlary bas memlekettik sanitarlyq dárigeriniń qaýlysyndaǵy shekteýlerdi saqtaýǵa shaqyrady.
