فوتو: مەجٸلٸس
مەجٸلٸس دەپۋتاتى ماقسات تولىقبايدىڭ سٶزٸنشە قازاقستاندا ماراپات پەن اتاققا دەگەن قۇمارلىق قاۋٸپتٸ دەڭگەيگە جەتتٸ. قازٸرگٸ كەزدە كەيبٸر قوعامدىق ۇيىمدار مەدال, وردەندەر مەن «قۇرمەتتٸ اتاقتاردى» اشىق نەمەسە جاسىرىن تٷردە اقشاعا ساتادى. بۇل ٷردٸس ەسٸرەسە بٸلٸم سالاسىنا ەنٸپ, مۇعالٸمدەردٸڭ كەسٸبي دەڭگەيٸن ەمەس, ماراپات سانىنا قىزىعۋشىلىعىن ارتتىرۋدا. مەملەكەتتٸك ناگرادالار بەدەلٸن ساقتاپ, ەدٸلدٸك پەن اشىقتىقتى قامتاماسىز ەتۋ ٷشٸن زاڭنامالىق نورمالاردى تولىق ٸسكە اسىرۋ جەنە قوعامدىق اتاقتاردىڭ زاڭسىز تارالۋىن قاتاڭ باقىلاۋ قاجەتتٸلٸگٸ تۋىنداپ وتىر. سوندىقتان مەجٸلٸسمەن پرەمەر-مينيستردٸڭ ورىنباسارى – مەدەنيەت جەنە اقپارات مينيسترٸ ايدا بالاەۆاعا دەپۋتاتتىق ساۋال جولدادى, دەپ حابارلايدى Ult.kz.
«اتاعى جوق, مەدال الماعان كٸم قالدى? ايتايىن دەگەنٸم, اتاققۇمارلىق كەدٸمگٸ دەرتكە اينالىپ بارادى. ماراپات پەن اتاق – بازاردا ساتىلاتىن سۋۆينەر سيياقتى. اتاق ساتاتىن اتى بەلگٸسٸز قوعامدىق ۇيىمدار مەدال, وردەندەردٸ شٷلەن تاراتقانداي وڭدى-سولدى ٷلەستٸرٸپ جٷر. بۇعان ٶزٸ توقتام بار ما?», - دەپ اشىندى تولىقباي.
دەپۋتات بۇعان دەيٸن دە بۇل مەسەلەنٸ بٸراز ەرٸپتەستەرٸ كٶتەرگەنٸن, ارنايى زاڭ, نورما دا قابىلدانعانىن ايتتى. الايدا ونىڭ پٸكٸرٸنشە بۇل ٷردٸس كەرٸسٸنشە ٷدەپ بارادى. مەسەلەن, «قازاقستاننىڭ قۇرمەتتٸ ازاماتى» تٶسبەلگٸسٸ, «قازاقستاننىڭ ەڭبەك سٸڭٸرگەن قىزمەتكەرٸ» مەدالٸ جەنە «ۇلت ۇستازى» دەيتٸن اتاقتار كەيبٸر دەرەكتەرگە قاراعاندا, اشىق نە جاسىرىن تٷردە 20 مىڭنان 100 مىڭ تەڭگەگە دەيٸنگٸ ارالىقتا باعالانادى ەكەن. ياعني قالتاسىندا قارجىسى نەمەسە تانىسى بار كەز كەلگەن ادام قوعامدىق ۇيىم اشىپ الىپ, اتاق تاراتۋمەن اينالىسا الادى.
ماقسات تولىقبايدىڭ پٸكٸرٸنشە ەڭ قاۋٸپتٸسٸ — بۇل «ماراپات بيزنەسٸنٸڭ» ەڭ الدىمەن مەكتەپتەرگە ەنۋٸ.
«بٷگٸندە ۇستازدىڭ كەسٸبي دەڭگەيٸ ناقتى نەتيجە مەن بٸلٸم ساپاسىمەن ەمەس, العىس حات پەن مەدال سانى ارقىلى ٶلشەنەتٸندەي جاعدايعا جەتتٸك. سونىڭ سالدارىنان مۇعالٸمدەر وقۋشىعا بٸلٸم بەرۋدە ەمەس, ماراپات جيناۋدا بٸر-بٸرٸمەن جارىسا باستادى. بۇل — بٸلٸم جٷيەسٸنٸڭ ٸرگەتاسىن شايقالتاتىن اسا قاۋٸپتٸ قۇبىلىس. قاپتاعان اتاق تاراتقىش ۇيىمداردىڭ كەسٸرٸنەن بٸز اتاق پەن ماراپاتتى تويعا اپاراتىن جاي سىيلىق دەڭگەيٸنە دەيٸن ارزانداتىپ الدىق», - دەپ قىنجىلدى ول.
وسىعان بايلانىستى ول تٶمەندەگٸ مەسەلەلەر بويىنشا ٷكٸمەتكە ناقتى ۇسىنىستار جولدادى:
1. 2025 جىلعى ماۋسىمدا قابىلدانعان زاڭنامالىق ٶزگەرٸستەردٸڭ تولىق ەرٸ تيٸمدٸ ٸسكە اسۋىن قامتاماسىز ەتۋ, مەملەكەتتٸك ناگرادالار تۋرالى زاڭ نورمالارىنىڭ ورىندالۋىنا جٷيەلٸ باقىلاۋ ورناتۋ.
2. قوعامدىق ماراپاتتاردى زاڭسىز تاراتۋ فاكتٸلەرٸ بويىنشا ەكٸمشٸلٸك جەنە ٶزگە دە قۇقىقتىق شارالاردى جٷيەلٸ تٷردە قولدانۋ, جاۋاپتى تۇلعالاردىڭ ەرەكەتٸنە ناقتى قۇقىقتىق باعا بەرۋ.
3. مەملەكەتتٸك جەنە قوعامدىق ناگرادالاردىڭ بٸرىڭعاي تٸركەلٸمٸن ەنگٸزۋ, تسيفرلىق باقىلاۋ مەن قاداعالاۋ تەتٸكتەرٸن كٷشەيتۋ ارقىلى ماراپاتتاۋ ينستيتۋتىنىڭ اشىقتىعى مەن بەدەلٸن قامتاماسىز ەتۋ.
