اقتٶبەدە ليتسەنزيياسىز 1 400 توننادان استام قاۋٸپتٸ مۇناي قالدىعىن ٶڭدەگەن كەسٸپورىن ديرەكتورى سوتتالدى. زاڭسىز تابىلعان 393 ملن تەڭگە مەملەكەت كٸرٸسٸنە ٶندٸرٸلدٸ, دەپ حابارلايدى ult.kz.
باس پروكۋراتۋرانىڭ مەلٸمەتٸنشە, «جان-امي ي ك» جشس باسشىسى 2024–2025 جىلدارى تيٸستٸ ليتسەنزيياسىز مۇناي قالدىقتارىن ٶڭدەپ, 393 ملن تەڭگە كٸرٸس تاپقان.
سوت كەسٸپكەردٸ قىلمىستىق كودەكستٸڭ 214-بابى بويىنشا كٸنەلٸ دەپ تانىپ, مٷلكٸن تەركٸلەۋمەن قاتار, 2 جىل 6 ايعا باس بوستاندىعىن شەكتەۋ جازاسىن تاعايىنداعان. الايدا ول راقىمشىلىق تۋرالى زاڭ نەگٸزٸندە نەگٸزگٸ جازادان بوساتىلعان.
زاڭسىز تابىلعان 393 ملن تەڭگە مەملەكەت كٸرٸسٸنە ٶندٸرٸلدٸ. اپەللياتسييالىق سوت ٷكٸمدٸ ٶزگەرٸسسٸز قالدىردى. شەشٸم زاڭدى كٷشٸنە ەندٸ.
