استانا قالاسى, سارىارقا اۋداندىق №2 سوتىندا الاياقتىق بويىنشا ايىپتالىپ وتىرعان بەلسەندٸ ماحامبەت ەبجاننىڭ ٸسٸنە قاتىستى تىڭداۋ باستالدى, دەپ حابارلايدى "ۇلت اقپارات".
كۋەگەر رەتٸندە شاقىرىلعان ەبجاننىڭ بۇرىنعى سەرٸگٸ, ۇلتشىل-پاتريوت ماقسات نۇرىپباەۆ ايىپكەر ەبجانمەن «انتيگەپتيل» قوزعالىسىن بٸرلەسە جٷرگٸزۋ كەزٸندە تانىسقانىن ايتتى. سٶزٸنە قاراعاندا ماقسات بٷگٸندە «اتا-كەنت» تۇرعىن ٷي كووپەراتيۆٸنٸڭ مٷشەسٸ, بٸراق سوڭعى بٸر جىلدا ونىڭ جۇمىسىنا قاتىسپاعان. سونىمەن قاتار ول كەيٸنگٸ بٸر ٸشٸندە ەبجانمەن حابارلاسپاعانى, قازٸر ونىڭ نەمەن اينالىساتىنى تۋرالى بٸلمەيتٸنٸن مەلٸمدەگەن. مۇنى ول ٷش اي بۇرىن تەرگەۋ بارىسىندا دا ايتقان.
ەرٸ قاراي ماقسات نۇرىپباەۆ بۇرىن «اسار» رەسپۋبليكالىق قوعامدىق بٸرلەستٸگٸ تٶراعاسى بولعان قايرات بوداۋحاننىڭ بٷگٸندە «اتا-كەنت» كووپەراتيۆٸن باسقاراتىنىن ايتتى.
وسى جەردە پروكۋرور ونىڭ سٶزٸن بٶلٸپ, الدىن الا تەرگەۋ حاتتاماسىنان ٷزٸندٸ وقىدى. ودان بەلگٸلٸ بولعان نەرسە, ماقسات مۇنىڭ الدىندا «م.ەبجان ٷلەسكەرلەر اراسىندا بوداۋحان ٷلەسكەرلەردٸڭ اقشاسىن الىپ شەتەلگە كەتپەك دەگەن مەلٸمەت تاراتتى» دەپ كۋەلٸك بەرگەن. ياعني, ماقساتتىڭ ايتۋىنشا, ەبجان ٷلەسكەرلەرگە بوداۋحان سەندەردٸڭ اقشالارىڭدى الىپ قاشىپ كەتكەلٸ جٷر دەگەن ەڭگٸمە تاراتقان. وسى جالعان مەلٸمەت تاراتۋعا بايلانىستى ماقسات نۇرىپباەۆتىڭ ەبجانمەن قارىم-قاتىناسى بۇزىلعان. تەرگەۋشٸ ودان ەبجاندى «وتىرعىزۋ» ٷشٸن قاجەت كۋەلٸكتەر بەرۋدٸ سۇراعان. ٶز سٶزٸنە قاراعاندا, ماقسات جالعان كۋەلٸك بەرۋدەن تارتقان, بٸراق تەرگەۋشٸنٸڭ كەي دەيەكتەرٸمەن كەلٸسكەن. ٶيتكەنٸ, ول كەزدە كٶڭٸل-كٷيٸم ناشار, ەرٸ شارشاپ تۇرعان ەدٸم دەدٸ ول. تەرگەۋشٸ ٶزٸنە قىسىم جاساماعانىن مەلٸمدەدٸ. ال ەبجان ماقساتىنا جەتۋ ٷشٸن ارازدىق تۋعىزۋ ەدٸسٸن قولداندى دەپ كۋەلٸك بەرگەنٸن راستادى.
ودان كەيٸن ايىپتالۋشى ەبجان كۋەگەر ماقساتتان بوداۋحاننىڭ كووپەراتيۆ باسشىسى بولىپ قالاي سايلانعانىن تۋرالى سوتقا بايانداپ بەرۋدٸ سۇرادى. كۋەگەر بۇل جٶنٸنەن حابارسىزبىن دەدٸ.
بوداۋحان مۇنىڭ الدىندا ساپاسىز قۇرىلىس ماتەريالدارىن العانى ٷشٸن نۇرىپباەۆ كووپەراتيۆ قۇرامىنان شىعارىلدى دەپ كۋەلٸك بەرگەن. ايىپتالۋشى كۋەگەردەن وسى مەسەلەنٸ ناقتىلاۋدى سۇرادى. نۇرىپباەۆ ول شىندىققا سەيكەس كەلمەيدٸ دەپ جاۋاپ بەردٸ.
تىڭداۋ كەزٸندە انىقتالعان تاعى بٸر نەرسەنٸ ايتا كەتكەن جٶن. كۋەگەر نۇرىپباەۆ تەرگەۋ كەزٸندە ايىپتالۋشىنىڭ جەكە باسىن جاقتىرمايمىن دەگەن. الايدا, پروتسەسس بارىسىندا ول بۇل سٶزٸنەن باس تارتتى. تەرگەۋ ورىس تٸلٸندە جٷردٸ, مەن قازاقشا جاۋاپ بەردٸم, اۋدارماشى بولماعانى سەبەپتٸ تەرگەۋشٸ مەنٸڭ سٶزٸمدٸ دۇرىس تٷسٸنبەدٸ دەدٸ ول.
ەرٸ قاراي كۋەلٸك بەرگەن نۇرىپباەۆتىڭ سٶزٸنە قاراعاندا, اتا-كەنت» مٷشەلەرٸ بولماعاندىقتان احمەدزادا جەڭگٸر مەن ماحامبەت ەبجان كووپەراتيۆ جۇمىسىنا قاتىسپاۋى كەرەك ەدٸ. ٷلەسكەرلەر ٶز مٷددەسٸن قورعاۋدى ەبجان مەن جەڭگٸرگە تاپسىرعانىن بٸلمەدٸم, ٶيتكەنٸ, كووپەراتيۆ شەشٸمدەرٸ مٷشەلەردٸڭ جالپى جينالىسىندا قابىلدانۋى تيٸس دەدٸ ول.
نۇرىپباەۆتىڭ ايتۋىنشا, 2016 جىلعا دەيٸن بوداۋحان كووپەراتيۆ جۇمىسىنا ك.مەيرامنىڭ سەنٸمحاتى بويىنشا قاتىسىپ كەلگەن, ودان كەيٸن تٶراعا بولىپ سايلانعان.
بۇدان ەرٸ سوتتىڭ سۇراۋى بويىنشا نۇرىپباەۆتى تەرگەۋ كەزٸندە تٷسٸرٸلگەن ۆيدەو كٶرسەتٸلدٸ. نۇرىپباەۆ سوتقا قاتىسۋشى ازاماتتىق بەلسەندٸلەر جەنە ۇلتشىل پاتريوتتار الدىندا ابىرويىنان ايىرىلماۋ ٷشٸن تەرگەۋشٸنٸڭ ەبجانعا قاتىستى ورىس تٸلٸندە قويعان سۇراقتارىن تٷسٸنبەدٸم دەگەن. الايدا, ۆيدەودا نۇرىپباەۆ ەبجاندى بۇرىننان جاقتىرمايمىن, ول ادامداردى الداۋعا تىرىساتىن دەپ اشىق ايتادى. سونىمەن قاتار ۆيدەودا نۇرىپباەۆتىڭ تەرگەۋشٸ سۇراقتارىنا ورىس تٸلٸندە جاۋاپ بەرٸپ وتىرعانى كٶرسەتٸلەدٸ.
تەرگەۋ ۆەرسيياسى بويىنشا, ماحامبەت ەبجان وڭتٷستٸك قازاقستان وبلىسى اقسۋكەنت اۋىلى تۇرعىنى عالىمجان پانوۆقا «الدىن الا بٸر ميلليون تەڭگە بەرسەڭٸز, «اتا-كەنت» تۇرعىن ٷي-قۇرىلىس كووپەراتيۆٸنەن ٷش بٶلمەلٸ پەتەر الا الاسىز» دەگەن. نەتيجەدە پانوۆ 972 مىڭ تەڭگە زييان شەككەن.
