2021 جىلى قازاقستاننىڭ جاڭا سۋ كودەكسٸ ەزٸرلەنەدٸ. بۇل تۋرالى قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ايتتى, دەپ حابارلايدى "ۇلت اقپارات".
«كٶپتەگەن ساراپشىلاردىڭ باعالاۋىنشا, سۋ زاڭناماسى ودان ەرٸ جەتٸلدٸرۋدٸ تالاپ ەتەدٸ. قولدانىستاعى كودەكسكە ون جەتٸ جىل ٸشٸندە 62 رەت ٶزگەرٸستەر مەن تولىقتىرۋلار ەنگٸزٸلدٸ. نەتيجەسٸندە قۇقىق قولدانۋ رەتتٸلٸگٸنٸڭ جوعالۋى بايقالادى. بۇل تۇتاستاي العاندا سۋ شارۋاشىلىعىنىڭ بارلىق دەڭگەيلەرٸندە جاعدايدىڭ ناشارلاۋىنا ەكەلەدٸ», - دەدٸ ول سەنات تٶراعاسىنىڭ ورىنباسارى اسقار شەكٸروۆتٸڭ تٶراعالىعىمەن ٶتٸپ جاتقان ٷكٸمەت ساعاتىندا.
سونىمەن قاتار مينيستر كودەكس سۋ شارۋاشىلىعى قۇرىلىستارىن جوبالاۋ, سالۋ جەنە پايدالانۋدىڭ تەحنيكالىق مەسەلەلەرٸن رەتتەمەيتٸندٸگٸن اتاپ ٶتتٸ.
«بۇل مەسەلەلەر ەرتٷرلٸ قۇرىلىس نورمالارى جەنە ەرەجەلەرٸمەن, مينيسترلٸكتەر مەن ۆەدومستۆولاردىڭ بۇيرىقتارىمەن رەتتەلەدٸ. وسى رەتتە گيدروتەحنيكالىق قۇرىلىستارعا قاتىستى قاۋٸپسٸزدٸك مەسەلەلەرٸ ارنايى زاڭمەن رەتتەلۋٸ تيٸس. وسىنى ەسكەرە وتىرىپ, 2021 جىلعا جاڭا سۋ كودەكسٸنٸڭ جەنە «گيدروتەحنيكالىق قۇرىلىستاردىڭ قاۋٸپسٸزدٸگٸ تۋرالى» زاڭىنىڭ تۇجىرىمدامالارىن ەزٸرلەۋ جوسپارلانعان. بۇدان باسقا, سۋ رەسۋرستارىن ۇلعايتۋدىڭ بالاما جولدارىن پايدالانۋ, ٶنەركەسٸپتە, اۋىل جەنە كوممۋنالدىق شارۋاشىلىقتا سۋدى پايدالانۋ تيٸمدٸلٸگٸن ارتتىرۋ, سونداي-اق سۋ رەسۋرستارىن ەلدٸڭ سۋ تاپشىلىعى بار ٶڭٸرلەرٸنە جٸبەرۋ مٷمكٸندٸگٸن زەرتتەۋگە باعىتتالعان عىلىمي بلوك قالىپتاستىرىلدى», - دەدٸ ماعزۇم مىرزاعاليەۆ.
