تسيفرلىق دامۋ, قورعانىس جەنە اەروعارىش ٶنەركەسٸبٸ ۆيتسە-مينيسترٸ ابىلايحان وسپانوۆ مەجٸلٸس تٶراعاسى نۇرلان نىعماتۋليننەن سٶز ەستٸدٸ, دەپ حابارلايدى Sputnik قازاقستان تٸلشٸسٸ.
بٷگٸن مەجٸلٸستٸڭ جالپى وتىرىسىندا بٸرٸنشٸ وقىلىمدا مەملەكەتتٸك قىزمەتتەر كٶرسەتۋ مەسەلەلەرٸ بويىنشا زاڭ جوباسى قارالدى.
سۇراق-جاۋاپ بارىسىندا تسيفرلىق دامۋ, قورعانىس جەنە اەروعارىش ٶنەركەسٸبٸ ۆيتسە-مينيسترٸ ابىلايحان وسپانوۆتىڭ دەپۋتاتتاردىڭ اقپاراتتىق جٷيەلەردٸ كٸرٸكتٸرۋگە قاتىستى قويعان ساۋالىنا بەرگەن جاۋابى نىعماتۋليننٸڭ كٶڭٸلٸنەن شىقپادى.
"سٸز بۇل قىزمەتكە جاقىندا كٸرٸستٸڭٸز بە? قايدان كەلدٸڭٸز?", - دەپ سۇرادى سپيكەر.
"ازاماتتارعا ارنالعان ٷكٸمەت" مەملەكەتتٸك كورپوراتسيياسىنان", - دەپ جاۋاپ بەردٸ وسپانوۆ.
"مەن مەدەنيەت مينيسترلٸگٸنەن كەلگەن شىعار دەپ ويلاسام. سايراپ تۇرسىڭ, جاي. ناقتى سۇراققا ناقتى جاۋاپ كەرەك. سٸزدٸڭ مينيسترلٸك مەملەكەتتٸك ورگانداردىڭ بارلىق جٷيەسٸن كٸرٸكتٸرۋگە جاۋاپتى. بٷگٸندە قاي ورگاندى الىپ قاراساڭ دا, اقپاراتتىق جٷيەلەردٸ كٸرٸكتٸرۋدە پروبلەمالار بار. سونىڭ سالدارىنان, مەسەلەن, جالپىعا بٸردەي دەكلاراتسييا سيياقتى ماڭىزدى شارالاردى كەيٸنگە قالدىرۋعا مەجبٷر بولىپ وتىرمىز.
"ە-حالىق" جٷيەسٸ دە ٸستەمەيدٸ, اقاۋلار بار, قارجى مينيسترلٸگٸنٸڭ كەدەندٸك جٷيەسٸ دە مەز ەمەس. اينالايىن, ابىلايحان ەسەنۇلى, ايتىپ بەرشٸ بٸزگە? نە بولىپ جاتىر ٶزٸ? مەملەكەتتەن قىرۋار اقشا بٶلٸندٸ, نەتيجە قايدا?", - دەپ سۇرادى مەجٸلٸس سپيكەرٸ.
"سٸز دۇرىس ايتاسىز" دەي بەرگەن وسپانوۆقا "تىڭدا, ماعان باعا بەرۋدٸڭ قاجەتٸ جوق, سۇراققا جاۋاپ بەرٸڭٸز",- دەپ ۇرسىپ تاستادى نىعماتۋلين.
وسپانوۆ بيىل "Smart Bridge" اتتى جاڭا جوبا جٷزەگە اسىرىلعالى جاتقانىن ايتتى.
"تاعى بٸر جوبا! وعان تاعى دا مەملەكەت اقشا بٶلۋٸ كەرەك. مەملەكەت وسى اقپاراتتىق جٷيەلەرگە قانشاما اقشا جۇمسادى. نەگە ەندٸ ولار جۇمىس ٸستەمەيدٸ? نەگە كٸرٸكتٸرٸلمەگەن?", - دەپ اشۋلاندى مەجٸلٸس تٶراعاسى.
ۆيتسە-مينيستر مەسەلەنٸ جىل سوڭىنا دەيٸن شەشۋگە ۋەدە بەردٸ.
"حالىق اشىنىپ وتىر. بٸز دەكلاراتسييا جاساپ, بٸزدە وسىنداي جٷيە بار دەپ جار سالامىز. ولار كەلٸپ, ونى قولدانا المايدى. قازٸر 21 عاسىر. ەگەر كەنشٸگە وسى جوسپاردى ورىندا دەپ نورما بەرسە, ول ونى ورىندايدى. ورىنداساما, ونىڭ سەبەبٸن سۇرايدى. ال سٸزدەردەن نەگە سۇراۋ جوق? مەملەكەتتەن قانشاما اقشا بٶلٸنٸپ وتىر, بٸراق اقپاراتتىق جٷيەلەر كٸرٸكتٸرٸلمەگەن. ەشتەڭە جۇمىس ٸستەمەيدٸ. قازٸر جٷرگٸزۋشٸ كۋەلٸگٸن ەشقايدا بارماي-اق, قاشىقتان الۋدى ۇيىمداستىرۋ كەرەك. ٸٸم دايىن, دەرەكتەر بازاسى بار. بٸراق, ادامدار سول بۇرىنعىسىنشا تاڭەرتەڭ ەرتە تۇرىپ, كەزەككە تۇرادى", - دەپ اشىندى نىعماتۋلين.
"تٷزەيمٸز", - دەپ قىسقا قايىردى وسپانوۆ.
"تٷزەتٸڭدەر. جالپى, مەنٸڭ ويىمشا, ٷكٸمەتتٸڭ ساعاتتارىنىڭ بٸرٸن دەل وسى مەسەلەگە ارناۋ كەرەك. وسى مينيسترلٸك كەلٸپ, ەسەپ بەرسٸن. ەيتپەسە, بٸزدە بەس جىل بويى كەيٸنگە شەگەرٸلٸپ كەلە جاتقان جٷيەلەر بار. بەس جىل بۇرىن ٸسكە قوسىلۋى تيٸس بولسا دا, ەلٸ جوسپاردا جٷر. تەرتٸپ ورناتىڭدار", - دەپ تاپسىردى نىعماتۋلين.
ايتا كەتسەك, ابىلايحان وسپانوۆ وسى جىلدىڭ 6 سەۋٸرٸندە تسيفرلىق دامۋ, قورعانىس جەنە اەروعارىش ٶنەركەسٸبٸ ۆيتسە-مينيسترٸ بولىپ تاعايىندالدى. بۇعان دەيٸن ول "ازاماتتارعا ارنالعان ٷكٸمەت" مەملەكەتتٸك كورپوراتسيياسىن باسقارعان ەدٸ.
