قر ەڭبەك جەنە حالىقتى ەلەۋمەتتٸك قورعاۋ مينيسترٸ مەدينا ەبٸلقاسىموۆا ازاماتتاردى جۇمىسقا ورنالاستىرۋ ٷشٸن بٶلٸنگەن قاراجاتتىڭ تالان-تاراجعا سالىنۋىنا قاتىستى پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
«بٷگٸن باس پروكۋراتۋرا ٶتكەن جىلدارداعى باعدارلاماعا جٷرگٸزٸلگەن تەكسەرۋ نەتيجەسٸن جارييا ەتتٸ. باعدارلامانى جٷزەگە اسىرۋ بارىسىندا كەي جەرلەردە ايتارلىقتاي بۇزۋشىلىقتار ورىن العان. جۇمىسقا ورنالاستىرۋ نەمەسە قىسقا مەرزٸمدٸ كەسٸبي وقىتۋ تۋرالى جالعان انىقتامالار انىقتالدى. اتالعان شارالارعا 5 ملرد تەڭگە بٶلٸنٸپ, 70 مىڭنان استام ادام وقىتىلعان. ال جۇمىسقا ورنالاسقانى شامامەن 60 پايىز عانا», - دەدٸ مينيستر مەجٸلٸستەگٸ پارلامەنتتٸك تىڭداۋدان كەيٸن باق ٶكٸلدەرٸنە.
ونىڭ اتاپ ٶتۋٸنشە, كٸنەلٸلەرگە قاتىستى شارالار قابىلدانعان.
«دەگەنمەن, باعدارلامانى جٷزەگە اسىرۋ ەڭ الدىمەن جەرگٸلٸكتٸ اتقارۋشى ورگانداردىڭ قۇزٸرەتٸنە كٸرەدٸ. بۇزۋشىلىقتار ورىن العان حالىقتى جۇمىسپەن قامتۋ ورتالىقتارى قازٸرگٸ ۋاقىتتا جەرگٸلٸكتٸ اتقارۋشى ورگانداردىڭ باقىلاۋىندا. ەربٸر فاكتٸ بويىنشا ەكٸمدٸكتەرمەن جەنە جۇمىسپەن قامتۋ باسقارمالارىمەن مەن-جايدى انىقتادىق. شارالار قابىلدانىپ, مۇنداي بۇزۋشىلىقتار جٸبەرگەن قىزمەتكەرلەر جۇمىستان شىعارىلدى», - دەدٸ مەدينا ەبٸلقاسىموۆا.
سونىمەن قاتار ول مينيسترلٸك ورىن العان بۇزۋشىلىقتاردىڭ سەيكەسٸنشە قورىتىندى شىعارعانىن باسا ايتتى.
«باعدارلاما شارتتارى جاقساردى. بۇل جايىندا بٷگٸن ايتتىم. وقۋ ورىندارىن ٸرٸكتەۋ تالاپتارى جاقسارتىلدى. ماتەريالدىق بازاسى جاقسى, ٶتكەن جىلدارداعى جۇمىسقا ورنالاستىرۋ كٶرسەتكٸشٸ 60 پايىزدان كەم ەمەس وقۋ ورىندارى عانا بۇل باعدارلاماعا قوسىلاتىن بولادى. قازٸرگٸ ۋاقىتتا اتالعان وقۋ ورىندارىنىڭ تٸزٸمٸ «اتامەكەن» ۇكپ-مەن بەكٸتٸلەدٸ. سودان كەيٸن ٶڭٸرلٸك كوميسسيياعا شىعارىلىپ بەكٸتٸلەدٸ جەنە وقۋ ورىندارىن ٸرٸكتەۋ جٷرگزٸلەدٸ. بٸز تالاپتاردى قاتاڭداتىپ, اتالعان تٸزٸلٸمدٸ قايتا قارايمىز», - دەدٸ مينيستر.
ايتا كەتەيٸك, بۇعان دەيٸن قر باس پروكۋراتۋراسى حالىقتى جۇمىسپەن قامتۋ باعدارلاماسى اياسىندا بٶلٸنگەن قاراجاتتىڭ تيٸمسٸز پايدالانعاندىعىن جەنە ۇرلانعانىن جارييا ەتكەن بولاتىن.
