ەڭبەك جەنە حالىقتى ەلەۋمەتتٸك قورعاۋ مينيسترٸ مەدينا ەبٸلقاسىموۆا ٶزٸنە قاتىستى بارلىق سىننان قورىتىندى شىعاراتىنىن مەلٸم ەتتٸ.
ٷكٸمەت وتىسىرىنان شىققان مينيسترگە جۋرناليستەر «قوعامداعى نارازىلىققا بايلانىستى وتستاۆكاعا كەتەسٸز بە?» دەپ ساۋال جالدادى.
الايدا مەدينا ەبٸلقاسىموۆا سۇراققا جالتارا جاۋاپ بەردٸ.
«بٸز سىندى ەستٸپ تۇرامىز. ەڭ باستىسى, بۇل سىننان قورىتىندى شىعارامىز. جاعدايدى بارىنشا جاقسارتۋعا تىرىسامىز. جٷزەگە اسىرىلىپ جاتقان مەملەكەتتٸك ساياساتتىڭ تيٸمدٸلٸگٸن ارتتىرۋعا باعىتتالعان شارالار قابىلدانادى, - دەدٸ ول.
وسى ورايدا مينيستر قر ٷكٸمەتٸنٸڭ جانىنان قۇرىلعان ەل ازاماتتارىنىڭ تابىسىن ارتتىرۋ, تۇرمىس ساپاسىن جاقسارتۋ, ەرٸ كٶپبالالى وتباسىلارعا قولداۋ شارالارىن كٷشەيتۋ جٶنٸندەگٸ جۇمىس توبى اياسىندا كٶپبالالى وتباسىلاردى باسپانامەن قامتاماسىز ەتۋ مەسەلەسٸ باقىلاۋدا بولاتىنىن مەلٸم ەتتٸ.
«قازٸرگٸ ۋاقىتتا جەرگٸلٸكتٸ اتقارۋشى ورگاندارمەن بٸرلەسٸپ, بارلىق ۇسىنىستاردى جيناۋدامىز. يندۋسترييا جەنە ينفراقۇرىلىمدىق دامۋ مينيسترلٸگٸ سول ارقىلى ارنايى ەسەبٸن شىعارۋدا. بارلىق تالاپتاردى جيناپ جاتىرمىز. اتقارۋشى ورگاندارعا عانا ەمەس بٸزدٸڭ مينيسترلٸككە دە كٶپبالا انالار كەلٸپ جاتىر. بٷگٸن دە كەزدەسۋ بولادى. ۇسىنىستاردىڭ بارلىعىن جۇمىس توبى اياسىندا شەشۋگە تىرىسامىز», - دەدٸ ول.
ايتا كەتەيٸك, 4 اقپاندا استاناداعى كٶكتال تۇرعىن ٷي الابىندا شاعىن باسپانا ٶرتەنٸپ, 5 بالا كٶز جۇمدى. كەيٸن ەلەۋمەتتٸك جەلٸدە ەڭبەك جەنە حالىقتى ەلەۋمەتتٸك قورعاۋ مينيسترٸ مەدينا ەبٸلقاسىموۆانىڭ جۇمىسىنا قاتىستى سىن ايتىلدى.
ال مادينا ەبٸلقاسىموۆانىڭ ٶزٸ قايعىدان قان جۇتىپ وتىرعان وتباسىعا سول كٷنٸ بارىپ, كٶڭٸل ايتقان ەكەن, بٸراق اۋىرىپ جٷرگەندٸكتەن مارقۇم قىزداردىڭ جانازاسىنا قاتىسپاپتى. تراگەدييادان كەيٸنگٸ العاشقى تٷسٸنٸكتەمەنٸ ونىڭ ورىنباسارى سۆەتلانا جاقىپوۆا جارييالاعان بولاتىن. مينيسترلٸك باسشىسى 6 اقپان كٷنٸ دە ٷكٸمەت وتىرىسىنا كەلمەدٸ.
كەيٸن ورتالىق كوممۋنيكاتسييالار قىزمەتٸندەگٸ مادينا ەبٸلقاسىموۆا قاتىسۋى تيٸس بريفينگ باستالار الدىندا كەيٸنگە قالدىرىلدى.
