قر ۇلتتىق ەكونوميكا ۆيتسە-مينيسترٸ مەدي تاكيەۆ جەكە تابىس سالىعىنىڭ پروگرەسسيۆتٸ شكالاسىن ەنگٸزۋگە قاتىنىستى تٷسٸنٸك بەردٸ, دەپ حابارلايدى قازاقپارات.
«ۇلتتىق ەكونوميكا مينيسترلٸگٸندە اتالعان مەسەلەنٸ پىسىقتاۋ بويىنشا جۇمىس توبى قۇرىلۋدا. ونىڭ قۇرامىنا پارلامەنت دەپۋتاتتارى, «اتامەكەن» ۇكپ مەن سالالىق مينيسترلٸك ٶكٸلدەرٸ, تانىمال قوعام قايراتكەرلەرٸ كٸرەدٸ», - دەدٸ م. تەكيەۆ ورتالىق كوممۋنيكاتسييالار قىزمەتٸندە.
ونىڭ سٶزٸنە قاراعاندا, ستاۆكالار مەن پروگرەسسيۆتٸ شكالا شەگٸ اشىق تٷردە تالقىلاناتىن بولادى.
«بۇل باعىتتاعى جۇمىستار ەندٸ عانا باستالىپ جاتقانىن ەسكەرە وتىرىپ, تابىستار شكالاسى مٶلشەرٸ مەن ستاۆكالار ەزٸرلەنگەن جوق. وسى تۇرعىداعى ۇسىنىستار قوعامدا اشىق تٷردە تالقىلاناتىن بولادى. بارلىق ناقتى اقپاراتتى جۇمىس توبى جارييالايدى», - دەدٸ ۆيتسە-مينيستر.
ەسكە سالا كەتەيٸك, مەملەكەت باسشىسى قاسىم-جومارت توقاەۆ جەكە تابىس سالىعىنىڭ پروگرەسسيۆتٸ شكالاسىن ەنگٸزۋ مەسەلەسٸ بويىنشا جۇمىس جٷرگٸزۋ كەرەكتٸگٸن ايتتى.
