QR Ulttyq ekonomika vitse-ministri Mádi Takiev jeke tabys salyǵynyń progressivti shkalasyn engizýge qatynysty túsinik berdi, dep habarlaidy QazAqparat.
«Ulttyq ekonomika ministrliginde atalǵan máseleni pysyqtaý boiynsha jumys toby qurylýda. Onyń quramyna Parlament depýtattary, «Atameken» UKP men salalyq ministrlik ókilderi, tanymal qoǵam qairatkerleri kiredi», - dedi M. Tákiev Ortalyq kommýnikatsiialar qyzmetinde.
Onyń sózine qaraǵanda, stavkalar men progressivti shkala shegi ashyq túrde talqylanatyn bolady.
«Bul baǵyttaǵy jumystar endi ǵana bastalyp jatqanyn eskere otyryp, tabystar shkalasy mólsheri men stavkalar ázirlengen joq. Osy turǵydaǵy usynystar qoǵamda ashyq túrde talqylanatyn bolady. Barlyq naqty aqparatty jumys toby jariialaidy», - dedi vitse-ministr.
Eske sala keteiik, Memleket basshysy Qasym-Jomart Toqaev jeke tabys salyǵynyń progressivti shkalasyn engizý máselesi boiynsha jumys júrgizý kerektigin aitty.
