2023 جىلعا دەيٸن مەدەنيەت جەنە سپورت سالاسىنداعى مەكتەپ پەن كوللەدج پەداگوگتەرٸنٸڭ جالاقىسى جىل سايىن 25 پايىزعا ۇلعايىپ وتىرادى, دەپ حابارلايدى قازاقپارات.
«مەدەنيەت جەنە سپورت قىزمەتكەرلەرٸنٸڭ ەل-اۋقاتىن ارتتىرۋ – بٸزدٸڭ جۇمىسىمىزدىڭ نەگٸزگٸ باعىتتارىنىڭ بٸرٸ. مەملەكەت باسشىسىنىڭ جولداۋىن ٸسكە اسىرۋ شەڭبەرٸندە 2020 جىلدىڭ 1 قاڭتارىنان باستاپ مەدەنيەت جەنە ٶنەر ۇيىمدارى قىزمەتكەرلەرٸنٸڭ جالاقىسى رەسپۋبليكالىق دەڭگەيدە 50%-عا, ول ورتا ەسەپپەن العاندا 96 مىڭنان 139 مىڭ تەڭگەگە دەيٸن, ٶڭٸرلەردە 35%-عا, سەيكەسٸنشە 96 مىڭنان 126 مىڭ تەڭگەگە دەيٸن ٶستٸ. جالپى, مۇنداي ٶسٸم شامامەن 34 مىڭ ادامدى قامتىدى», - دەدٸ اقتوتى رايىمقۇلوۆا وكق-دا ونلاين رەجيمدە حالىق الدىندا ەسەپ بەرۋ كەزدەسۋٸندە.
مينيستر سونداي-اق, 2020 جىلدىڭ باسىنان باستاپ كەسٸپتٸك قىزمەتٸن توقتاتقان جەنە كەسٸبي ەڭبەك ٶتٸلٸ كەمٸندە 20 جىل بولاتىن بالەت ەرتٸستەرٸنە اي سايىن سوڭعى 3 جىلدىق ورتاشا جالاقىسىنىڭ 60%-عا دەيٸنگٸ مٶلشەرٸندە تٶلەم بەرٸلە باستاعانىن جەتكٸزدٸ.
«بۇدان باسقا, قازاقستانداعى ەدەبيەت جەنە ٶنەر قايراتكەرلەرٸنە, تالانتتى جاستارعا مەملەكەتتٸك قولداۋدى كٷشەيتۋ ماقساتىندا بەرٸلەتٸن تۇڭعىش پرەزيدەنت – ەلباسىنىڭ مەدەنيەت سالاسىنداعى ستيپەنديياسى 240-تان 660 ايلىق ەسەپتٸك كٶرسەتكٸشكە دەيٸن ۇلعايتىلدى. جىل سايىن عىلىم, مەدەنيەت جەنە ٶنەر سالاسىنداعى دارىندى جاستار قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى قورى پرەميياسىنىڭ لاۋرەاتى اتانىپ كەلەدٸ. ەرەكشە مەرتەبەسٸ بار مەدەنيەت جەنە ٶنەر سالاسىنداعى جوعارى وقۋ ورىندارىنىڭ پروفەسسور-وقىتۋشىلار قۇرامىنا لاۋازىمدىق جالاقىلارىنىڭ مٶلشەرٸنە 1,75 كوەففيتسيەنتٸ ساقتالعان», - دەدٸ ول.
سونىمەن بٸرگە مينيستردٸڭ ايتۋىنشا 2020 جىلعى 1 قاڭتاردان باستاپ مەدەنيەت جەنە سپورت سالاسىنداعى مامانداندىرىلعان مەكتەپ جەنە كوللەدج پەداگوگتەرٸنٸڭ جالاقىسى جىل سايىن 2023 جىلعا دەيٸن 25 پايىزعا ۇلعايىپ وتىرادى. ناقتىراق ايتقاندا ول ەڭبەكاقى 2020 جىلى 25 پايىزعا, 2021 جىلى 50 پايىزعا, 2022 جىلى-75 پايىزعا, 2023 جىلى-100 پايىزعا ٶسەدٸ.
