مەدەنيەت جەنە سپورت مينيسترلٸگٸ قىزمەتكەرلەرٸ بٸر كٷندٸك جالاقىلارىن اۋىر ناۋقاسقا شالدىققان سپورت جۋرناليسٸ گالينا پولەۆاياعا اۋداراتىن بولدى. وسى ورايدا مينيستر ارىستانبەك مۇحامەديۇلى بەلگٸلٸ سپورت جۋرناليسٸنە ەل بولىپ كٶمەكتەسۋ قاجەتتٸگٸن ايتتى, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
«گالينا پولەۆايا - ەلٸمٸزدە سپورت جۋرناليستيكاسىنىڭ دامۋىنا زور ٷلەس قوسقان تۇلعا. بٸرنەشە وليمپيادا, ازييا ويىندارىنا قاتىسىپ, سپورتشىلارىمىزدىڭ جارقىن جەڭٸستەرٸن كٶگٸلدٸر ەكران ارقىلى ەلگە جەتكٸزگەن گالينانىڭ ەندٸ ٶزٸ دە جەڭٸسكە جەتۋٸ تيٸس. مەن بەرٸ جاقسى بولاتىنىنا سەنەمٸن», - دەدٸ مينيستر.
ايتا كەتسەك, بۇعان دەيٸن قر مەدەنيەت جەنە سپورت مينيسترلٸگٸ استانا قالاسىنىڭ ەكٸمدٸگٸمەن بٸرلەسٸپ, 6 قازان كٷنٸ ساعات 10.00-دە «ستوليچنىي» ساياباعىندا گالينا پولەۆايانى قولداۋ ماقساتىندا جەڭٸل اتلەتيكالىق جٷگٸرۋ (ەرلەر -2,5 كم, ەيەلدەر - 1,5 كم) قايىرىمدىلىق شاراسىن ۇيىمداستىراتىنىن حابارلاعان بولاتىن.
ەستەرٸڭٸزدە بولسا, بٸز جۋرناليست گالينا پولەۆايانىڭ اۋىر ناۋقاسقا شالدىعىپ, ونىڭ وتباسى حالىقتان كٶمەك سۇراعانىن جازعان بولاتىنبىز. بٷگٸنگٸ تاڭدا گاليناعا قۇنى قىمبات, شەتەلدە جاسالۋى تيٸس وتا قاجەت. شەتەلدٸك ەمحانا اتالعان وتانى 290 مىڭ دوللارعا باعالاپ وتىر. ونىڭ وتباسى ٷشٸن بۇل سوما ٶتە ٷلكەن. بارلىق تۇرعىندار مەن قالا قوناقتارى, باق ٶكٸلدەرٸ اتالعان شاراعا بەلسەنە اتسالىسا الادى. جينالعان قاراجات جۋرناليستٸڭ وتباسىنا تابىستالادى.
