ەلٸمٸزدەگٸ «ۇلتتىق» مەرتەبەسٸ بار بەس جەتەكشٸ مەدەنيەت ۇيىمى قىزمەتكەرلەرٸنٸڭ ەڭبەكاقىسى 75%-عا ارتادى. بۇل تۋرالى مەدەنيەت جەنە سپورت مينيسترٸ دەۋرەن اباەۆتىڭ مينيسترلٸككە باعىنىستى ۇيىمدار ۇجىمدارىمەن كەزدەسۋٸ بارىسىندا ايتىلدى. تيٸستٸ جوبانى قر مسم ەزٸرلەپ, قر ٷكٸمەتٸ ماقۇلدادى, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
قازٸرگٸ تاڭدا مۇحتار ەۋەزوۆ اتىنداعى قازاق ۇلتتىق دراما تەاترى, قۇرمانعازى اتىنداعى قازاق ۇلتتىق حالىق اسپاپتار وركەسترٸ, اباي اتىنداعى قازاق ۇلتتىق وپەرا جەنە بالەت تەاترى, ميحايل لەرمونتوۆ اتىنداعى ۇلتتىق ورىس دراما تەاترى, سونداي-اق قازاقستان رەسپۋبليكاسىنىڭ ۇلتتىق كٸتاپحاناسى «ۇلتتىق» مەرتەبەگە يە. ەندٸ وسى ۇيىمدار قىزمەتكەرلەرٸنٸڭ لاۋازىمدىق ەڭبەكاقىسىنا جاڭا كوەففيتسيەنت قولدانىلاتىن بولادى. مىسالى, 7-10 جىلدىق ەڭبەك ٶتٸلٸ بار ارتيستەر قازٸر 217 129 تەڭگە الادى, ال 1 شٸلدەدەن باستاپ ولاردىڭ ەڭبەكاقىسى 379 977 تەڭگەنٸ قۇرايدى.
«ٶزدەرٸڭٸز بٸلەتٸندەي, مەملەكەت باسشىسى ەلٸمٸزدٸڭ مەدەنيەتٸن دامىتۋعا, سالا قىزمەتكەرلەرٸ ٷشٸن قولايلى جاعداي جاساۋعا ەرەكشە كٶڭٸل بٶلەدٸ. بۇل باعىتتا مينيسترلٸك تاراپىنان دا اۋقىمدى جۇمىستار اتقارىلىپ كەلەدٸ. ەڭبەكاقىنى كٶتەرۋ-بۇل ماڭىزدى باعىتتاردىڭ بٸرٸ عانا. سونىمەن قاتار, بٸز بٸرقاتار مەدەنيەت نىساندارىن قايتا جاڭعىرتىپ, ماتەريالدىق-تەحنيكالىق بازانى جاقسارتۋ جەنە قىزمەتكەرلەردٸڭ بٸلٸكتٸلٸگٸن ارتتىرۋ مەسەلەلەرٸن قاراستىرامىز», – دەدٸ دەۋرەن اباەۆ.
الماتىعا ساپارى اياسىندا مينيستر ناتاليا ساتس اتىنداعى مەملەكەتتٸك اكادەمييالىق ورىس بالالار مەن جاسٶسپٸرٸمدەر تەاترىنا باردى, سونداي-اق مەدەنيەت سالاسىنىڭ ساراپشىلارىمەن بٸرقاتار كەزدەسۋلەر ٶتكٸزدٸ.
