بەلارۋستە نارازىلىق شارالارى جالعاسىپ جاتقان شاقتا الەكساندر لۋكاشەنكو انت بەرٸپ, پرەزيدەنت قىزمەتٸنە كٸرٸستٸ. يناۋگۋراتسييا رەسٸمٸنٸڭ بولاتىنىن كٶپ ادام بٸلمەگەن. ونىڭ ٶتەتٸنٸ جايلى الدىن الا حابارلانبادى. مەملەكەتتٸك "بەلتا" اگەنتتٸگٸنٸڭ جازۋىنشا, "سالتاناتتى رەسٸم" 23 قىركٷيەكتە تەۋەلسٸزدٸك سارايىندا ٶتكەن.
زاڭ بويىنشا, پرەزيدەنتتٸڭ انت بەرۋ شاراسىنان رەسپۋبليكالىق تەلەارنالار مەن راديولاردان ترانسلياتسييا جاسالۋى كەرەك. بٸراق جەرگٸلٸكتٸ تەلەارنالاردان انت بەرۋ رەسٸمٸ كٶرسەتٸلمەگەن.
مەملەكەتتٸك اگەنتتٸكتەردٸڭ حابارلاۋىنشا, لۋكاشەنكو يناۋگۋراتسيياسىنا جٷزدەگەن ادام شاقىرىلعان. ولاردىڭ اراسىندا جوعارى لاۋازىمدى تۇلعالار, دەپۋتاتتار, رەسپۋبليكا كەڭەسٸنٸڭ مٷشەلەرٸ, مەملەكەتتٸك ورگان باسشىلارى, جەرگٸلٸكتٸ اتقارۋ ورگان ٶكٸلدەرٸ, اقپارات قۇرالدارى, عىلىم, مەدەنيەت, سپورت قايراتكەرلەرٸ بار.
لۋكاشەنكو بەلارۋس تٸلٸندە انت بەرگەن. بۇدان سوڭ انت بەرگەنٸ جايلى اكتٸگە قول قويىپ, ورتالىق سايلاۋ كوميسسيياسىنىڭ تٶرايىمى ليدييا ەرموشينا وعان بەلارۋس رەسپۋبليكاسى پرەزيدەنتٸنٸڭ كۋەلٸگٸن تاپسىرعان.
"ناستوياششەە ۆرەميا" ارناسىنىڭ حابارلاۋىنشا, سەرسەنبٸ كٷنٸ تاڭەرتەڭنەن باستاپ مينسك تۇرعىندارى تەۋەلسٸزدٸك سارايى الدىندا ەسكەري تەحنيكا مەن ساربازدار تۇرعانىن كٶرگەن. يناۋگراتسييا جايلى سىبىس شىقسا دا ساياساتكەرلەر ونى جوققا شىعارعان.
ەلدە 9 تامىزدان بەرٸ نارازىلىق شارالارى جالعاسىپ كەلەدٸ. نارازىلار پرەزيدەنت سايلاۋىنىڭ قورىتىندىسى بۇرمالاندى دەپ ەسەپتەيدٸ. ولار لۋكاشەنكو وتستاۆكاعا كەتٸپ, ەلدە جاڭادان ەدٸل سايلاۋى ٶتۋٸ تيٸس دەيدٸ.
66 جاستاعى بەلارۋس باسشىسى نارازىلىققا شىققانداردى كٷشپەن باسىپ, كٶپتەگەن ازاماتتار قاماۋ ورىندارىندا ازاپتاۋعا ۇشىراعانىن ايتقان.
بۇعان دەيٸن وپپوزيتسييا جەتەكشٸسٸ سۆەتلانا تيحانوۆسكايا يناۋگۋراتسييا ٶتكٸزۋ زاڭسىز بولادى دەپ مەلٸمدەگەن.
