17 تامىزدا بەلارۋس پرەزيدەنتٸ الەكساندر لۋكاشەنكو ەرەۋٸل ٶتكٸزٸپ جاتقان مينسك زاۋىتىنىڭ جۇمىسشىلارى (مزكت) الدىنا شىعىپ, ەلدە جاڭادان سايلاۋ ٶتپەيدٸ دەپ تاعى مەلٸمدەدٸ. بٸر اپتادان استام ۋاقىتتان بەرٸ نارازىلىق اكتسيياسىن ٶتكٸزٸپ جاتقاندار لۋكاشەنكودان سايلاۋدى قايتا ٶتكٸزۋدٸ تالاپ ەتەدٸ. بەلارۋستەگٸ پرەزيدەنت سايلاۋىنىڭ قورىتىندىسىن ۇلىبريتانييا, پولشا, ليتۆا جەنە ەۋرووداققا مٷشە ٶزگە ەلدەر دە مويىنداماعان.
لۋكاشەنكومەن كەزدەسۋ كەزٸندە مزكت جۇمىسشىلارى "كەت!" (ۋحودي) دەپ ايقايلادى. ال لۋكاشەنكو "بۇل سۇراققا جاۋاپ بەرەيٸن: تاعى دا ايقايلاساڭىزدار بولادى" دەدٸ.
وسىدان سوڭ "قىسىممەن بٸر نەرسە جاسايدى دەپ ويلاماڭىزدار, مەن ەشقاشان وندايعا بارمايمىن. ٶلسەم دە, سايلاۋ بولمايدى. سەبەبٸ, مزكت دا, ماز دا, بەلاز (تراكتور زاۋىتتارى - رەد.) دا قالمايدى, جارتى جىل ٸشٸندە بەرٸ جابىلادى" دەدٸ لۋكاشەنكو.
دەگەنمەن ول پرەزيدەنت ٶكٸلەتٸن بٶلٸسۋگە دايار ەكەنٸن, بٸراق مۇنى قىسىممەن نەمەسە "كٶشەدەگٸ نارازىلىقتان" كەيٸن جاسامايتىنىن ەسكەرتتٸ. ونىڭ سٶزٸنە قاراعاندا بيلٸك ٶكٸلەتٸن ٷلەستٸرۋ مەسەلەسٸن كٶشە ەمەس, "كونستيتۋتسييالىق پروتسەسس" ارقىلى جٷزەگە اسىرۋ كەرەك.
لۋكاشەنكو زاۋىتقا تٸكۇشاقپەن ۇشىپ كەلگەن. مزكت جۇمىسشىلارى TUT.by سايتىنا پرەزيدەنتتٸڭ بارلىق جۇمىسشىلارمەن كەزدەسپەگەنٸن, تەك "تاڭداۋلىلارمەن" كەزدەسكەنٸن حابارلادى.
پرەزيدەنتتٸڭ تٸكۇشاعى جەردەن كٶتەرٸلٸپ بارا جاتقان شاقتا كەزدەسۋگە قاتىسا الماي قالعان جۇمىسشىلار ىسقىرىپ, لۋكاشەنكوعا قارسى ۇراندار كٶتەرگەن. "ناستوياششەە ۆرەميا" ارناسىنىڭ حابارلاۋىنشا, مزكت جاققا قاراي ەسكەري تەحنيكا باعىت العان. ولاردىڭ زاۋىت اۋماعىنا كٸرگەنٸ-كٸرمەگەنٸ بەلگٸسٸز.
17 تامىزدى بٸرنەشە زاۋىت جالپىۇلتتىق ەرەۋٸل كٷنٸ دەپ جارييالاعان. مينسكٸدەن تٸكەلەي ەفيردە حابار تاراتىپ جاتقان "ناستوياششەە ۆرەميا" ارناسى جۇمىسشىلار مەن قاراپايىم ازاماتتاردىڭ كٶشەدە شەرۋلەتٸپ بارا جاتقانىن كٶرسەتتٸ. "وقيعا جىلدام دامىپ جاتىر" دەدٸ ارنا تٸلشٸسٸ.
بەلارۋستە پرەزيدەنت سايلاۋى 9 تامىزدا ٶتكەن. ورتالىق سايلاۋ كوميسسيياسى لۋكاشەنكونىڭ 80 پايىزدان استام داۋىس جيناعانىن حابارلاعان. پرەزيدەنت سايلاۋىنىڭ رەسمي قورىتىندىسى جارييالانا باستاعان ۋاقىتتان بەرٸ ەلدە نارازىلىق اكتسييالارى ٶتٸپ جاتىر. سايلاۋ قورىتىندىسى بۇرمالاندى دەپ ەسەپتەيتٸن نارازىلار ەلدە قايتا سايلاۋ ٶتكٸزۋدٸ جەنە لۋكاشەنكونىڭ وتستاۆكاعا كەتۋٸن, كٷشتٸك قۇرىلىمداردىڭ حالىققا كٷش قولدانباۋىن تالاپ ەتٸپ وتىر.
