بۇل تۋرالى نۇر-سۇلتان قالاسىنىڭ ەكٸمٸ التاي كٶلگٸنوۆ پارلامەنت كۋلۋارىندا باق ٶكٸلدەرٸنە مەلٸم ەتتٸ, دەپ حابارلايدى قازاقپارات.
«LRT جۇمىسى مٸنە, قىركٷيەك ايىندا باستالادى. بٸرٸنشٸ ترانشپەن بيۋدجەتتەن 20 ملرد تەڭگە بٶلٸندٸ. بٸراق ول جەتكٸلٸكسٸز. سەبەبٸ ەگەر تۇتاستاي الاتىن بولساق, قازٸرگٸ ۋاقىتتا 1 ملرد دوللارعا جۋىق قاراجات جۇمسالدى. ونىڭ ٶز مٸندەتتەمەلەرٸ بار. سەبەبٸ قىتايمەن كەلٸسٸمشارتتارعا قول قويىلعان. ول جەردە مەملەكەتتٸڭ ٶزٸنٸڭ مٸندەتٸ بار. بٸز كەلٸسٸمشارتتى بۇزاتىن بولساق, وندا اربيتراجدا سوتتاسىپ, بٸز ۇتىلىپ قالامىز», - دەدٸ التاي كٶلگٸنوۆ.
ەكٸمنٸڭ مەلٸمەتٸ بويىنشا, قىتاي تارابى ٶز مٸندەتتەمەلەرٸن ورىنداپ وتىر. قاراجات توقتاتىلعاننان كەيٸن جۇمىس توقتاپ قالعان.
«قازٸر بٸز كٶكتەمدە, كٷزدە بيۋدجەتتەن 3,5 ملرد تەڭگە كٶلەمٸندە بانكتەرگە پروتسەنتتەرٸمەن قايتارىپ وتىرمىز. بەرٸبٸر مەملەكەتتٸڭ قالتاسىنا سالماق تٷسەدٸ. سوندىقتان, بيۋدجەتتەن بٶلەمٸز دەپ شەشٸم قابىلدادىق. قۇرىلىستى اياقتاۋ ٷشٸن قازٸرگٸ ەسەپپەن 570 ملن دوللار كەرەك», - دەدٸ استانا ەكٸمٸ.
