فوتو: Orda.kz
ٸزدەۋدە جٷرگەن LRT ەكس-باسشىسى تالعات اردان تاعى دا سىرتتاي سوتتالدى. بۇل تۋرالى استانا قالاسىنىڭ قىلمىستىق ٸستەر جٶنٸندەگٸ اۋدانارالىق سوتى حابارلادى.
ٸس سوتتالۋشىعا قاتىستى حالىقارالىق ٸزدەستٸرۋ جارييالانعاندىقتان ونىڭ قاتىسۋىنسىز سىرتتاي قارالدى.
اتالعان سوت تاراتقان حابارلاماعا قاراعاندا LRT ەكس-باسشىسى تالعات اردان قىزمەت مٷددەلەرٸنە قايشى لاۋازىمدىق ٶكٸلەتتٸكتەرٸن تەرٸس پايدالانا وتىرىپ, ناقتى قاجەتتٸلٸكسٸز LRT قۇرىلىس جوباسى بويىنشا قىتايدىڭ مەملەكەتتٸك دامۋ سىرتقى قارىزدىڭ بٸرٸنشٸ ترانشى رەتٸندە 257,6 ملن اقش دوللارىن زاڭسىز سۇراتقان. قاراجات تٷسكەن سەتتەن باستاپ ولار جوبا بويىنشا پايدالانىلماعان دەگەن ايىپ تاعىلعان.
«ا. بۇرىن استانا قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ 03.05.2023 جىلعى ٷكٸمٸمەن اسا ٸرٸ مٶلشەرٸندە بيۋدجەت قاراجاتىن تالان-تاراجعا سالعانى ٷشٸن (قك 189-بابى 4-بٶلٸگٸنٸڭ 2) تارماعى) سىرتتاي مەملەكەتتٸك قىزمەتتە قىزمەت اتقارۋ قۇقىعىنان ٶمٸر بويىنا ايىرىلا وتىرىپ, 7 جىلعا باس بوستاندىعىنان ايىرىلدى. سوتتالۋشىنىڭ كٸنەسٸ كۋەگەرلەردٸڭ ايعاقتارىمەن, ساراپشىلار مەن مامانداردىڭ قورىتىندىلارىمەن, قىلمىستىق ٸستٸڭ ماتەريالدارىمەن راستالدى. سوت ٷكٸمٸمەن ا. قك 361-بابى 4-بٶلٸگٸنٸڭ 3) تارماعى بويىنشا كٸنەلٸ دەپ تانىلىپ, 4 جىل 8 ايعا باس بوستاندىعىنان ايىرىلدى جەنە قك 58-بابىنىڭ 6-بٶلٸگٸ قولدانىلىپ, سوتتىڭ 03.05.2023 جىلعى ٷكٸمٸ بويىنشا تاعايىندالعان جازانى ٸشٸنارا قوسۋ ارقىلى تٷپكٸلٸكتٸ مەملەكەتتٸك قىزمەتتە قىزمەت اتقارۋ قۇقىعىنان ٶمٸر بويىنا ايىرا وتىرىپ, 9 جىلعا باس بوستاندىعىنان ايىرۋ جازاسى تاعايىندالدى», - دەلٸنگەن حابارلامادا.
ٷكٸم زاڭدى كٷشٸنە ەنگەن جوق.
ەسكە سالساق, بيىل شٸلدەدە سىبايلاس جەمقورلىققا قارسى ٸس-قيمىل اگەنتتٸگٸ تالعات ارداندى باق ارقىلى جاۋاپ الۋعا شاقىرعان ەدٸ. بٸراق اتالعان تۇلعا جاۋاپ بەرۋگە ۋاقىتىندا كەلمەگەن.
ٶتكەن جىلى مامىردا ەلوردادا سالىنباي قالعان Astana LRT قۇرىلىسىنا قاتىستى قىلمىستىق ٸس بويىنشا سوت ٷكٸمٸ شىقتى. سوت ٷكٸمٸمەن تالعات اردان مەن قانات سۇلتانبەكوۆ 7 جىلعا سوتتالدى.
باس پروكۋراتۋرا تالعات اردان مەن قانات سۇلتانبەكوۆتٸ ٸزدەۋ جۇمىسىنىڭ توقتامايتىنىن ايتتى.
