8 ماۋسىمدا پاريجدە ەلەم جەڭٸل اتلەتيكاسى حالىقارالىق ۇيىمىنىڭ بۇرىنعى باسشىسى لامين دياكتىڭ سوتى ٶتەدٸ. ول لوندون وليمپياداسى كەزٸندە رەسەي سپورتشىلارىنىڭ دوپينگ داۋىن جاسىرۋ ٷشٸن 3.3 ميلليون دوللاردان استام پارا الدى دەپ ايىپتالىپ وتىر.
پروكۋرورلار دياكققا پارا الدى جەنە بەردٸ, سەنٸمدٸ بۇزدى جەنە اقشانىڭ ٸزٸن جاسىرۋدى ۇيىمداستىردى دەگەن ايىپتار تاعىپ وتىر. سوت دياكتى كٸنەلٸ دەپ تاپسا, ون جىلعا دەيٸن باس بوستاندىعىنان ايىرۋى مٷمكٸن.
دوپينگ داۋى رەسەي قۇراماسىنىڭ 2016 جىلعى جازعى وليمپيدا ويىندارىنان جەنە 2018 جىلعى قىسقى وليمپيادا ويىندارىنان قاعىلۋىنا ەكەلدٸ.
7 ماۋسىمدا 87 جاسقا تولعان دياك ەشقانداي قىلمىس جاسامادىم دەپ وتىر. ونىڭ ادۆوكاتتارى تاعىلعان ايىپتاردىڭ نەگٸزٸ جوق دەدٸ. سوت فرانتسييا استاناسىندا 18 ماۋسىمعا دەيٸن جالعاسادى.
سەنەگال ازاماتى لامين دياك ەلەم جەڭٸل اتلەتيكاسىن (بۇرىنعى اتاۋى – جەڭٸل اتلەتتەر فەدەراتسييالارىنىڭ حالىقارالىق اسسسوتسياتسيياسى) 1999 جىلدان 2015 جىلعا دەيٸن باسقاردى.
ەلەم جەڭٸل اتلەتيكاسى – جەڭٸل اتلەتيكا ويىندارىنىڭ ەرەجەلەرٸ مەن ستاندارتتارىن قالىپتاستىرىپ, ەلەمدٸك بٸرٸنشٸلٸكتەر ۇيىمداستىراتىن ۇيىم.
