8 maýsymda Parijde Álem jeńil atletikasy halyqaralyq uiymynyń burynǵy basshysy Lamin Diaktyń soty ótedi. Ol London olimpiadasy kezinde Resei sportshylarynyń doping daýyn jasyrý úshin 3.3 million dollardan astam para aldy dep aiyptalyp otyr.
Prokýrorlar Diakqqa para aldy jáne berdi, senimdi buzdy jáne aqshanyń izin jasyrýdy uiymdastyrdy degen aiyptar taǵyp otyr. Sot Diakty kináli dep tapsa, on jylǵa deiin bas bostandyǵynan aiyrýy múmkin.
Doping daýy Resei quramasynyń 2016 jylǵy jazǵy olimpida oiyndarynan jáne 2018 jylǵy qysqy olimpiada oiyndarynan qaǵylýyna ákeldi.
7 maýsymda 87 jasqa tolǵan Diak eshqandai qylmys jasamadym dep otyr. Onyń advokattary taǵylǵan aiyptardyń negizi joq dedi. Sot Frantsiia astanasynda 18 maýsymǵa deiin jalǵasady.
Senegal azamaty Lamin Diak Álem jeńil atletikasyn (burynǵy ataýy – Jeńil atletter federatsiialarynyń halyqaralyq asssotsiatsiiasy) 1999 jyldan 2015 jylǵa deiin basqardy.
Álem jeńil atletikasy – jeńil atletika oiyndarynyń erejeleri men standarttaryn qalyptastyryp, álemdik birinshilikter uiymdastyratyn uiym.
