ٶزبەكستان پرەزيدەنتٸ يسلام كەرٸموۆتٸڭ كەنجە قىزى لولا كەرٸموۆا-تيللياەۆا Facebook جەلٸسٸندە ەكەسٸنٸڭ ميىنا قان كەتكەنٸن ايتتى, - دەپ حابارلايدى kaz.tengrinews.kz تٸلشٸسٸ.
"قاتە تٷسٸنٸكتەر بولىپ قالماۋى ٷشٸن وسىندا, ٶز پاراقشامدا ٶتكەن دەمالىس كٷندەرٸ ەكەمە قاتىستى بولعان قايعىلى وقيعانى ايتىپ بەرگٸم كەلەدٸ. سەنبٸ كٷنٸ ونىڭ ميىنا قان كەتكەندٸكتەن, اۋرۋحانانىڭ جانساقتاۋ بٶلٸمٸندە جاتىر. ونىڭ جاعدايى تۇراقتى دەپ باعالانىپ وتىر. قازٸرگٸ ۋاقىتتا ونىڭ الداعى جاعدايىنا قاتىستى قانداي دا بٸر بولجام ايتۋ قيىن. ادامدارعا ٶتٸنٸشٸمدٸ ايتقىم كەلەدٸ, تٷرلٸ قاۋەسەتتەرگە سەنبەي, جانۇيانىڭ جەكە كەڭٸستٸگٸنە قول سۇقپاۋلارىڭىزدى سۇرايمىن. نيەت ەتٸپ, ەكەمە دۇعا-تٸلەكتەر ايتقاندارعا العىسىم شەكسٸز", - دەپ جازدى لولا كەرٸموۆا-تيللياەۆا.
ايتا كەتەيٸك, لولا كەرٸموۆا-تيللياەۆا 1978 جىلدىڭ 3 شٸلدەسٸندە تاشكەنتتە دٷنيەگە كەلگەن. ول پرەزيدەنتتٸڭ كەنجە قىزى. بيزنەسمەن تيمۋر تيللياەۆقا تۇرمىسقا شىققان. ٷش بالاسى بار (ەكٸ قىزى مەن بٸر ۇلى).
