Ózbekstan prezidenti Islam Kárimovtiń kenje qyzy Lola Kárimova-Tilliaeva Facebook jelisinde ákesiniń miyna qan ketkenin aitty, - dep habarlaidy kaz.tengrinews.kz tilshisi.
"Qate túsinikter bolyp qalmaýy úshin osynda, óz paraqshamda ótken demalys kúnderi ákeme qatysty bolǵan qaiǵyly oqiǵany aityp bergim keledi. Senbi kúni onyń miyna qan ketkendikten, aýrýhananyń jansaqtaý bóliminde jatyr. Onyń jaǵdaiy turaqty dep baǵalanyp otyr. Qazirgi ýaqytta onyń aldaǵy jaǵdaiyna qatysty qandai da bir boljam aitý qiyn. Adamdarǵa ótinishimdi aitqym keledi, túrli qaýesetterge senbei, januianyń jeke keńistigine qol suqpaýlaryńyzdy suraimyn. Niet etip, ákeme duǵa-tilekter aitqandarǵa alǵysym sheksiz", - dep jazdy Lola Kárimova-Tilliaeva.
Aita keteiik, Lola Kárimova-Tilliaeva 1978 jyldyń 3 shildesinde Tashkentte dúniege kelgen. Ol prezidenttiń kenje qyzy. Biznesmen Timýr Tilliaevqa turmysqa shyqqan. Úsh balasy bar (eki qyzy men bir uly).
