ليتۆانىڭ ەكٸنشٸ ٸرٸ قالاسى بولىپ تابىلاتىن – كاۋناس قالاسىندا قازاقستان رەسپۋبليكاسىنىڭ قۇرمەتتٸ كونسۋلى كەڭسەسٸنٸڭ اشىلۋى ٶتتٸ. بۇل تۋرالى "ۇلت اقپارات" ەلشٸلٸككە سٸلتەمە جاساپ حابارلايدى.
سالتاناتتى ٸس-شاراعا كاۋناس جەنە كاۋناس ۋەزٸنٸڭ, ليتۆا سٸم باسشىلارى مەن ديپلوماتييالىق كورپۋس مٷشەلەرٸ, ليتۆانىڭ ٸرٸ جوعارى وقۋ ورىندارىنىڭ رەكتورلارى, قالانىڭ ٸسكەرلٸك, اكادەمييالىق جەنە شىعارماشىلىق توپتارىنىڭ ٶكٸلدەرٸ قاتىستى.
رەسٸمدٸ اشقان قر ليتۆاداعى ەلشٸسٸ ۆ.تەمٸرباەۆ كاۋناستىڭ بٸزدٸڭ ەلمەن كەڭ جەنە كٶپ قىرلى بايلانىستارىن نازارعا الا وتىرىپ, دەل وسى قالادا قازاقستاننىڭ قۇرمەتتٸ كونسۋلدىعى اشىلاتىنىن اتاپ ٶتتٸ. قازاقستاندىق ديپلوماتتىڭ پٸكٸرٸنشە, بۇل قادام قازاقستان-ليتۆا ىنتىماقتاستىعىنىڭ كٷن تەرتٸبٸنە جاڭا سەرپٸن مەن جاڭا يدەيالاردى ەنگٸزەدٸ, ەكٸ ەل اراسىنداعى ٶڭٸرارالىق بايلانىستاردى كەڭەيتۋگە ىقپال ەتەتٸن بولادى.
قر كاۋناستاعى قۇرمەتتٸ كونسۋلى, بۇرىنعى وكرۋگتٸك سۋديا, بەلگٸلٸ ادۆوكات جەنە پروفەسسور البەرتاس ميلينيس كونسۋلدىقتىڭ جۇمىسى ەكٸجاقتى ساۋدا-ەكونوميكالىق, مەدەني جەنە گۋمانيتارلىق بايلانىستاردى كەڭەيتۋگە, بيزنەس, تۋريزم جەنە بٸلٸم بەرۋ سالالارىندا ٶزارا الماسۋدى جولعا قويۋعا باعىتتالاتىنىن اتاپ ٶتتٸ. ٶز قالاسىنىڭ جۇرتشىلىعى اتىنان, قازاقستان باسشىلىعى مەن حالقىنا تاريح قويناۋىنان تامىر جايعان دوستىق پەن ەرٸپتەستٸك ٷشٸن العىس ايتتى.
وسى ٸس-شارا شەڭبەرٸندە كاۋناس ساۋدا-ٶنەركەسٸپ پالاتاسى مٷشەلەرٸنٸڭ قاتىسۋىمەن بيزنەس-فورۋم ٶتتٸ, ونىڭ بارىسىندا پرەزيدەنتٸمٸزدٸڭ «جاڭا جاعدايداعى قازاقستان: ٸس-قيمىل كەزەڭٸ» جولداۋىنىڭ نەگٸزگٸ ەرەجەلەرٸ تالقىلاندى, سونداي-اق ەلٸمٸزدٸڭ بٸرەگەي تابيعاتى تۋرالى «بەيمەلٸم قازاقستان» فوتوكٶرمەسٸ ۇيىمداستىرىلدى.
قازاقستان رەسپۋبليكاسىنىڭ قۇرمەتتٸ كونسۋلدىعى كاۋناستىڭ قاق ورتاسىندا – «ۆLC» بيزنەس-ورتالىعىندا ٶز ەسٸگٸن كاۋناس تەحنولوگييالىق ۋنيۆەرسيتەتٸ, ۇلى ۆيتوۆت ۋنيۆەرسيتەتٸ جەنە ليتۆا دەنساۋلىق تۋرالى عىلىمدار ۋنيۆەرسيتەتٸ سيياقتى ليتۆانىڭ ٸرٸ جوعارى وقۋ ورىندارىنىڭ قورشاۋىندا اشتى.
جىل سايىن مۇندا وق ۋعا 100-دەن استام قازاقستاندىق ستۋدەنتتەر كەلەدٸ. كاۋناس ماماندارى قازاقستاندا كارديوحيرۋرگييا جەنە پەريناتالدىق مەديتسينا سيياقتى سالالاردىڭ قالىپتاسۋىنا ايتارلىقتاي ٷلەس قوسۋدا. ەلەمنٸڭ ٷزدٸك كارديوحيرۋرگتارىنىڭ بٸرٸ ريمانتاس بەنەتيس استانا مەن الماتىدا جٷرەككە كٷردەلٸ وتالاردى جٷيەلٸ تٷردە جٷرگٸزٸپ كەلەدٸ.
ليتۆا ارقىلى ٶتەتٸن نەگٸزگٸ كٶلٸك ماگيسترالدارىنىڭ تٷيٸسكەن جەرٸندە كاۋناس ليتۆانىڭ ەڭ ٸرٸ ٶنەركەسٸپتٸك ورتالىعى بولىپ تابىلادى. دەل وسى جەردە «Continental» جەنە «Hellas» سيياقتى برەندتەردٸڭ زاۋىتتارى اشىلدى.
كاۋناس پەن قازاقستاندى دا سپورتتىق دەستٷرلەر بايلانىستىرادى. «قازاق كٷرەسٸ» ەۋروپا فەدەراتسيياسى كاۋناستا تٸركەلگەن. ٶز كەزەگٸندە, بەلگٸلٸ كاۋناس جاتتىقتىرۋشىلارى بٸزدٸڭ ەلٸمٸزدە باسكەتبولدى دامىتۋعا كٶمەكتەسەدٸ, سونىڭ ٸشٸندە ليتۆالىق اتاقتى باسكەتبولشى ارۆيداس سابونيس.
2022 جىلى كاۋناس ەۋروپانىڭ مەدەني استاناسى بولادى.
