نيۋ-يوركتە «گەندەرلٸك تەڭدٸكتٸ جەدەلدەتۋ جەنە بارلىق ەيەلدەر مەن قىزدارعا مٷمكٸندٸك بەرۋ» اتتى ەيەلدەر جٶنٸندەگٸ بٷكٸلەلەمدٸك كونفەرەنتسييا ٶتتٸ, دەپ حابارلايدى "ۇلت اقپارات".
كونفەرەنتسييا بۇۇ باس اسسامبلەياسىنىڭ 75-سەسسيياسىندا ەيەلدەردٸڭ قۇقىقتارىن قورعاۋ تۋرالى بەيجٸڭ دەكلاراتسيياسىنىڭ 25 جىلدىعىنا ارنالعان.
جيىندا قازاقستان پرەزيدەنتٸ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييانىڭ تٶراعاسى لاززات رامازانوۆا سٶز سٶيلەدٸ.
ول بەيجٸڭ دەكلاراتسيياسى قازاقستانداعى گەندەرلٸك پروگرەسستٸڭ كاتاليزاتورىنا اينالعانىن اتاپ ٶتتٸ.
«گەندەرلٸك ساياساتتىڭ ۇلتتىق مودەلٸ, ەيەلدەردٸڭ قۇقىقتارىن قورعاۋدىڭ قۇقىقتىق بازاسى مەن تەتٸكتەرٸ قۇرىلدى. 2030 جىلعا دەيٸنگٸ وتباسىلىق-گەندەرلٸك ساياسات تۇجىرىمداماسىنىڭ ەكٸنشٸ كەزەڭٸ جٷزەگە اسىرىلۋدا. ول بەيجٸڭ دەكلاراتسيياسى مەن ەيەلدەرگە قاتىستى كەمسٸتۋشٸلٸكتٸڭ بارلىق تٷرلەرٸن جويۋ تۋرالى كونۆەنتسييانى جٷزەگە اسىرۋعا باعىتتالعان. ەيەلدەر مەن بالالاردىڭ قۇقىقتارىن قورعاۋ بويىنشا كەشەندٸ شارالار قابىلدانۋدا. جىل باسىندا ەيەلدەر مەن بالالاردىڭ جىنىستىق قول سۇعىلماۋشىلىعىنا, ادام ساۋداسىنا جەنە تۇرمىستىق زورلىق-زومبىلىققا قارسى قىلمىستار ٷشٸن قىلمىستىق جاۋاپكەرشٸلٸك كٷشەيتٸلدٸ. پارلامەنتتە دەپۋتاتتاردىڭ ۇلتتىق كوميسسييامەن بٸرلەسٸپ باستاۋ العان وتباسىلىق زورلىق-زومبىلىقتىڭ الدىن-الۋ جەنە گەندەرلٸك ساياسات تۋرالى زاڭ جوبالارى قارالۋدا. ەيەلدەردٸڭ ساياساتتاعى ٶكٸلدٸگٸندە, ولاردىڭ ەكونوميكالىق مٷمكٸندٸكتەرٸن كەڭەيتۋدە پروگرەسكە قول جەتكٸزٸلۋدە», - دەدٸ لاززات رامازانوۆا.
بٷگٸنگٸ تاڭدا قازاقستاننىڭ مەملەكەتتٸك قىزمەتٸندەگٸ باسشىلىق قىزمەتتەردەگٸ ەيەلدەردٸڭ ٷلەسٸ 40% قۇرايدى. پارلامەنت مەجٸلٸسٸندەگٸ ٶكٸلدٸك - 27%, جەرگٸلٸكتٸ ٶكٸلدٸ ورگانداردا - 22%. ەيەل سۋديالاردىڭ سانى 51% جەتتٸ. سونىمەن بٸرگە ەيەلدەردٸڭ 43%-ى شاعىن جەنە ورتا بيزنەستە جۇمىس ٸستەيدٸ, ال 78%-ى جەكە كەسٸپكەرلەر. ەكٸنشٸ دەڭگەيلٸ بانكتەردٸڭ باسقارۋ قۇرامىندا 25% ەيەلدەر.
ۇلتتىق كوميسسييا تٶراعاسى قازاقستان ەيەلدەرٸ پاندەمييا جاعدايىندا جانقييارلىقپەن جۇمىس ٸستەپ جاتقانىن اتاپ ٶتتٸ. بۇل, ەڭ الدىمەن, دەنساۋلىق ساقتاۋ جەنە ەلەۋمەتتٸك قورعاۋ سالاسىنداعى قىزمەتكەرلەر, ولاردىڭ وسى سالالارداعى ٷلەسٸ 71% قۇرايدى. قازاقستان اقشالاي جەنە ازىق-تٷلٸك كٶمەكتەن, ەلەۋمەتتٸك تٶلەمدەردٸ يندەكستەۋ جەنە بيزنەستٸ قولداۋ بويىنشا شۇعىل شارالار قابىلداۋدان تۇراتىن داعدارىسقا قارسى شارالار پاكەتٸن قابىلدادى.
قازاقستان بۇۇ باستاماسىمەن بۇۇ-75 فورماتىندا ەلەمنٸڭ بولاشاعى تۋرالى جاھاندىق ديسكۋسسييانى قولدايدى. بٷگٸندە ادامزاتقا تەز ارادا قاۋٸپ تٶندٸرەتٸن قاتەرگە قارسى ەلدەردٸڭ كٷش-جٸگەرٸ مەن ينتەگراتسيياسىن بٸرٸكتٸرۋ قاجەت.
«بٸز بۇۇ پلاتفورماسىندا جاھاندىق داعدارىستان كەزەڭ-كەزەڭٸمەن شىعۋ بويىنشا ۇسىنىستار ەزٸرلەيتٸن داعدارىسقا قارسى ورتالىق, سونداي-اق, ەيەلدەردٸڭ قۇقىقتارىن قورعاۋ, ولاردىڭ ساقتالۋىن باقىلاۋ جٶنٸندەگٸ شارالاردى جٷزەگە اسىرۋداعى مەملەكەتتەردٸڭ وزىق تەجٸريبەلەرمەن جەدەل الماسۋ ٷشٸن بٸرىڭعاي بانك قۇرۋدى ۇسىنامىز. بٸرلەسكەن تەجٸريبە زاماناۋي سىن-قاتەرلەردەن يممۋنيتەتكە اينالاتىنى سٶزسٸز جەنە بۇل العا جىلجۋدىڭ نەگٸزٸ», - دەپ اتاپ ٶتتٸ ول.
