رەسەي سىرتقى ٸستەر مينيسترٸ سەرگەي لاۆروۆ مەسكەۋ مەن پەكين دوللارمەن جەنە "باتىستىڭ باقىلاۋىنداعى" تٶلەم جٷيەلەرٸمەن ەسەپ ايىرىسۋدان باس تارتۋ كەرەك دەپ سانايدى. ونىڭ پايىمداۋىنشا, رەسەي مەن قىتاي وسى ارقىلى سانكتسييانىڭ سالدارىن ازايتا الادى. بۇل تۋرالى ول قىتايلىق باسىلىمدارعا بەرگەن سۇحباتتا ايتتى. لاۆروۆتىڭ سٶزٸ رەسەي سٸم رەسمي سايتىندا جارييالاندى.
رەسەي سىرتقى ٸستەر مينيسترٸنٸڭ ويىنشا, اقش-تىڭ ماقساتى – "رەسەي مەن قىتايدىڭ تەحنيكالىق دامۋىنا كەدەرگٸ كەلتٸرۋ". لاۆروۆ باتىستىڭ, سونىڭ ٸشٸندە ۆاشينگتوننىڭ باستى قۇرالى – سانكتسييا دەپ سانايدى.
"ولار كلاسسيكالىق ديپلوماتييانى قولدانۋدى ٷيرەنٸپ الدى" دەگەن لاۆروۆ اقش "ساياسي-ديپلوماتييالىق كەلٸسسٶزدەردٸ "ۋلتيماتۋم", "تالابىن ورىنداتۋ" جٷيەسٸمەن جٷرگٸزەدٸ دەپ سانايدى. ونىڭ ويىنشا, "بۇل – ديپلوماتييا ەمەس".
ناۋرىزدىڭ باسىندا اقش پرەزيدەنتٸ دجو بايدەن الەكسەي ناۆالنىيدىڭ ۋلانۋىنا بايلانىستى رەسەيگە العاشقا سانكتسييانى سالعان. قارا تٸزٸمگە ورگان ٶكٸلدەرٸ, پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى سەرگەي كيريەنكو, فسب باسشىسى الەكساندر بورتنيكوۆ كٸرگەن. بۇعان قوسا, اقش رەسەيدٸڭ ەسكەري ماقساتتا قولدانىلاتىن تاۋارلاردى ەلگە كٸرگٸزۋگە تىيىم سالدى.
رەسەي جاڭا سانكتسييالاردى "رەسەيگە قارسى شابۋىل" دەپ سيپاتتادى. 18 ناۋرىزدا اق ٷي الدا رەسەيگە تاعى شەكتەۋلەر بولاتىنىن مەلٸمدەدٸ.
رەسەي بيلٸگٸ 2018 جىلى كٷزدە اقش سانكتسييالارىن اينالىپ ٶتۋ ٷشٸن دوللاردان باس تارتۋ جوسپارى بارىن ايتقان. بۇل يدەيانى مەملەكەتتٸك ۆتب بانك باسشىسى اندرەي كوستين جارييالاعان. ول دوللاردىڭ ورنىنا ەۋرو, رۋبل يا يۋاندى ۇسىنعان.
