Reuters اگەنتتٸگٸنٸڭ ەسەپتەۋلەرٸنە سەيكەس, لاتىن امەريكاسىندا كوروناۆيرۋس جۇقتىرۋ دەرەكتەرٸنٸڭ سانى بەيسەنبٸدە 7 ميلليوننان استى. حابارلامادا ايتىلعانداي, كەيبٸر ەلدەر ەلەمدە كوروناۆيرۋستىق ينفەكتسييانىڭ دەڭگەيٸ جوعارى ٶڭٸردە كوروناۆيرۋس جۇقتىرعاندار سانىنىڭ ازايۋىن تٸركەي باستاعان.
دەرەكتەر كٶرسەتكەندەي, ورتا ەسەپپەن بٸر تەۋلٸك ٸشٸندە اۋرۋ كٶرسەتكٸشٸ سوڭعى جەتٸ كٷندە, سەرسەنبٸدە شامامەن 77 800 جاعدايعا دەيٸن تٶمەندەگەن. ٶتكەن اپتادا بۇل كٶرسەتكٸش 85 000-عا جەتتٸ, دەپ حابارلايدى قازاقپارات Reuters-كە سٸلتەمە جاساپ.
امەريكا قۇراما شتاتتارىنان تىس جەرلەردە ەڭ كٶپ زارداپ شەككەن برازيلييا بەيسەنبٸ كٷنٸ 44 235 جاڭا اۋرۋ جاعدايى جەنە 984 ساعات ٸشٸندە 24 كٸسٸ ٶلٸمٸ تٸركەلگەنٸ تۋرالى حابارلادى. وسىلايشا ەلدەگٸ كوروناۆيرۋسپەن اۋىرعانداردىڭ جالپى سانى 3 761 391 ادامدى قۇرادى, COVID-19 قۇرباندارىنىڭ سانى 118 649-عا جەتتٸ.
الاڭداتارلىق كٶرسەتكٸشتەرگە قاراماستان, برازيلييا بيلٸگٸ ەلدە كٷندەلٸكتٸ كوروناۆيرۋس جاعدايلارىنىڭ ازايۋى بايقالادى دەپ مەلٸمدەيدٸ.
مەكسيكا بيلٸگٸ دە اۋرۋ جاعدايلارى سانىنىڭ تۇراقتى تٶمەندەۋٸن بايقاپ وتىرعاندىعىن حابارلادى. دەگەنمەن دٷنيەجٷزٸلٸك دەنساۋلىق ساقتاۋ ۇيىمى (ددسۇ) لاتىن امەريكاسىندا حالىق سانى بويىنشا ەكٸنشٸ ورىندا تۇرعان ەلدەگٸ پاندەمييانىڭ اۋقىمى باعالانباعانىن ايتادى.
ددسۇ مەكسيكا جەنە ٶڭٸردەگٸ باسقا دا ەلدەرگە كوروناۆيرۋستى تەستٸلەۋ كٶلەمٸن ۇلعايتۋ كەرەك دەپ مەلٸمدەدٸ. سونىمەن قاتار, جاستار اراسىندا كوروناۆيرۋستىق ينفەكتسييانىڭ جوعارى دەڭگەيٸنە الاڭداۋشىلىق بٸلدٸردٸ.
برازيلييا, پەرۋ, مەكسيكا, كولۋمبييا جەنە چيلي ەلٸ كٷنگە دەيٸن ەلەمدەگٸ كوروناۆيرۋس جاعدايى ٶرشٸپ تۇرعان 10 ەلدٸڭ قاتارىنا كٸرەدٸ. پەرۋدە COVID-19-دان 28 000-نان استام ٶلٸم تٸركەلدٸ, بۇل ٶڭٸردەگٸ جان باسىنا شاققانداعى ٶلٸم-جٸتٸمنٸڭ ەڭ جوعارى كٶرسەتكٸشٸ.
سەرسەنبٸدە ارگەنتينادا پاندەمييا باستالعاننان كەيٸن العاش رەت بٸر كٷندە كوروناۆيرۋس جۇقتىرعانداردىڭ سانى 10 000-نان استى. بەيسەنبٸدە ەل بيلٸگٸ كەيبٸر پروۆينتسييالاردا قاتاڭ وقشاۋلاۋ رەجيمٸن قايتا كٷشەيتتٸ.
لاتىن امەريكاسىنداعى COVID-19 جاعدايلارىنىڭ سانى نەبەرٸ 13 كٷندە 6 ميلليوننان 7 ميلليونعا دەيٸن ٶستٸ.
