Reuters agenttiginiń esepteýlerine sáikes, Latyn Amerikasynda koronavirýs juqtyrý derekteriniń sany beisenbide 7 millionnan asty. Habarlamada aitylǵandai, keibir elder álemde koronavirýstyq infektsiianyń deńgeii joǵary óńirde koronavirýs juqtyrǵandar sanynyń azaiýyn tirkei bastaǵan.
Derekter kórsetkendei, orta eseppen bir táýlik ishinde aýrý kórsetkishi sońǵy jeti kúnde, sársenbide shamamen 77 800 jaǵdaiǵa deiin tómendegen. Ótken aptada bul kórsetkish 85 000-ǵa jetti, dep habarlaidy QazAqparat Reuters-ke silteme jasap.
Amerika Qurama Shtattarynan tys jerlerde eń kóp zardap shekken Braziliia beisenbi kúni 44 235 jańa aýrý jaǵdaiy jáne 984 saǵat ishinde 24 kisi ólimi tirkelgeni týraly habarlady. Osylaisha eldegi koronavirýspen aýyrǵandardyń jalpy sany 3 761 391 adamdy qurady, COVID-19 qurbandarynyń sany 118 649-ǵa jetti.
Alańdatarlyq kórsetkishterge qaramastan, Braziliia biligi elde kúndelikti koronavirýs jaǵdailarynyń azaiýy baiqalady dep málimdeidi.
Meksika biligi de aýrý jaǵdailary sanynyń turaqty tómendeýin baiqap otyrǵandyǵyn habarlady. Degenmen Dúniejúzilik densaýlyq saqtaý uiymy (DDSU) Latyn Amerikasynda halyq sany boiynsha ekinshi orynda turǵan eldegi pandemiianyń aýqymy baǵalanbaǵanyn aitady.
DDSU Meksika jáne óńirdegi basqa da elderge koronavirýsty testileý kólemin ulǵaitý kerek dep málimdedi. Sonymen qatar, jastar arasynda koronavirýstyq infektsiianyń joǵary deńgeiine alańdaýshylyq bildirdi.
Braziliia, Perý, Meksika, Kolýmbiia jáne Chili áli kúnge deiin álemdegi koronavirýs jaǵdaiy órship turǵan 10 eldiń qataryna kiredi. Perýde COVID-19-dan 28 000-nan astam ólim tirkeldi, bul óńirdegi jan basyna shaqqandaǵy ólim-jitimniń eń joǵary kórsetkishi.
Sársenbide Argentinada pandemiia bastalǵannan keiin alǵash ret bir kúnde koronavirýs juqtyrǵandardyń sany 10 000-nan asty. Beisenbide el biligi keibir provintsiialarda qatań oqshaýlaý rejimin qaita kúsheitti.
Latyn Amerikasyndaǵy COVID-19 jaǵdailarynyń sany nebári 13 kúnde 6 millionnan 7 millionǵa deiin ósti.
