قىزىلوردا - قۇمكٶل باعىتىنداعى جولدا 35 جولاۋشىسى بار اۆتوبۋس اۋدارىلدى. ەكٸمشٸلٸك پوليتسييا ٶكٸلٸنٸڭ مەلٸمەتٸ بويىنشا, جول اپاتىنان سەگٸز ادام مەرت بولىپ, جيىرمادان استام ادام زارداپ شەككەن. اپات بولعان جول جابىق تۇر.
جەلتوقساننىڭ 3-ٸ كٷنٸ جەرگٸلٸكتٸ ۋاقىتپەن تاڭەرتەڭگٸ ساعات 5.30 شاماسىندا قىزىلوردا وبلىسىنداعى قىزىلوردا - قۇمكٶل باعىتىنداعى جول بويىندا جولاۋشى اۆتوبۋسى اپاتقا ۇشىراعان.
قازاقستان ٸشكٸ ٸستەر مينيسترلٸگٸنٸڭ تٶتەنشە جاعدايلار قىزمەتٸنٸڭ حابارلاۋىنشا, 35 جولاۋشى وتىرعان اۆتوبۋس قىزىلوردا قالاسىنان شامامەن 85 كيلومەتر جەردە جولدان شىعىپ, اۋدارىلىپ قالعان.
"جول اپاتى سالدارىنان 7 ادام مەرت بولىپ, 22 ادام زارداپ شەكتٸ" دەپ حابارلادى قىزىلوردا وبلىستىق تٶتەنشە جاعداي دەپارتامەنتٸ.
ارادا بٸرشاما ۋاقىت ٶتكەندە, ٸٸم ەكٸمشٸلٸك پوليتسييا كوميتەتٸ باستىعىنىڭ ورىنباسارى جانات ەبدٸراحمانوۆ قازا تاپقاندار سانى سەگٸز ادامعا جەتكەنٸن حابارلادى. ٸٸم اپاتقا ۇشىراعان اۆتوبۋستىڭ شىمكەنتتەگٸ مۇناي كومپانيياسىنا تيەسٸلٸ ەكەنٸن حابارلادى.
پوليتسييا ٶكٸلٸنٸڭ ايتۋىنشا, قىزىلوردا وبلىسىنداعى قۇمكٶل كەن ورنىنا بارا جاتقان اۆتوبۋستىڭ اۋدارىلۋىنا كٶكتايعاق سەبەپ بولعان.
سەيسەنبٸ كٷنٸ قازاقستان ٸشكٸ ٸستەر مينيسترٸ ەرلان تۇرعىمباەۆ اپات بولعان جەردە جەدەل تەرگەۋ توبى, قۇتقارۋشىلار مەن دەرٸگەرلەر جۇمىس ٸستەپ جاتقانىن ايتتى.
- ٸٸم اۋا رايىنىڭ قولايسىزدىعىنا بايلانىستى اقتٶبە, قىزىلوردا مەن جامبىل وبلىستارىندا كەي جولدار جابىلاتىنى تۋرالى ەسكەرتكەن. جاۋىن-شاشىن بولىپ, تٷندە كٷن سۋىتقاندىقتان جول بەتٸنە مۇز قاتقان. جولدار ٸشٸنارا جابىلدى, - دەدٸ مينيستر.
اۆتوبۋس اپاتىنا بايلانىستى قىلمىستىق كودەكستٸڭ 345-بابى 2-تارماعى ("جول-كٶلٸك ەرەجەلەرٸن بۇزۋ") بويىنشا قىلمىستىق ٸس قوزعالعان.
ازاتتىق پورتالىنىڭ حابارلاۋىنشا, قىزىلوردا - قۇمكٶل باعىتىنداعى جول جابىلعان. قىزىلوردا قالاسىنان 25 شامقىرىمدا جول بويىنا پوليتسييا قويىلعان. جول شەتٸندە تۇرعان جٷك كٶلٸكتەرٸ مەن جەڭٸل اۆتوموبيلدەر اراسىندا قۇمكٶل مۇناي كەنٸشٸنە جۇمىسشى تاسيتىن اۆتوبۋستار دا بار.
ەۋروپا وداعى ستاتيستيكا قىزمەتٸنٸڭ دەرەگٸنشە, قازاقستان جول اپاتى كٶپ بولاتىن ەلەمدەگٸ بەس ەلدٸڭ قاتارىنا ەنەدٸ. كٶلٸك اپاتتارىنىڭ نەگٸزگٸ سەبەبٸ رەتٸندە جول ەرەجەسٸن ساقتاماۋ جەنە جول ساپاسىنىڭ ناشارلىعى اتالادى.
ٶتكەن ايدا قىزىلوردا قالاسىندا جول ٷستٸندە سوقتىعىسقان ەكٸ جەڭٸل كٶلٸكتٸڭ بٸرٸ اۆتوبۋس ايالداماسىندا تۇرعان ادامداردى سوققان. سالدارىنان ٷش ادام سول جەردە قازا بولىپ, زارداپ شەككەن ەكٸ ادام اۋرۋحاناعا جەتكٸزٸلگەن.
قازاننىڭ 5-ٸ كٷنٸ اقتٶبە قالاسىنان 13 شاقىرىم جەردە جولدا كەتٸپ بارا جاتقان وقۋشىلار وتىرعان اۆتوبۋس پەن جەڭٸل كٶلٸك سوقتىعىسىپ, اۆتوبۋس بٸر جاعىنا اۋدارىلىپ كەتكەن. اۆتوبۋستا 18 وقۋشى مەن 9 ەرەسەك ادام بولعان. جول اپاتى سالدارىنان ەكٸ بالا اۋرۋحاناعا تٷسكەن, تاعى بٸرنەشە بالا جەڭٸل جاراقات العان.
ماۋسىمنىڭ 25-ٸ كٷنٸ جولاۋشىلار وتىرعان اۆتوبۋس اقتٶبەدەن شىعىپ, قىزىلجار ەلدٸمەكەنٸ تۇسىنان ٶتە بەرگەن كەزدە كاماز جٷك كٶلٸگٸمەن سوقتىعىسىپ قالدى. اۆتوبۋستاعى جولاۋشىلاردىڭ بٸرٸ مەرت بولىپ, زارداپ شەككەن 12 ادام (ٷشەۋٸ - بالا) اۋرۋحاناعا تٷسكەن.
2018 جىلى قاڭتاردا قازاقستاننىڭ اقتٶبە وبلىسىندا ٶزبەكستاننان شىققان ەڭبەك ميگرانتتارى كەتٸپ بارا جاتقان اۆتوبۋس ٶرتەنگەن. اۆتوبۋستا وتىرعان 52 ادام مەرت بولعان. ولاردىڭ بارلىعى – ٶزبەكستان ازاماتى. ەكٸ جولاۋشى مەن ٷش جٷرگٸزۋشٸ امان قالعان.
