بٷگٸن قىزىلوردادا ٶتكەن «ٶزٸڭە سەنە باستا» كٶرمە-بايقاۋىندا جاڭاقورعان اۋدانىنىڭ تۇرعىنى ورال قاسيەت قالدىبايقىزى جەڭٸمپاز اتاندى. بۇل شارا مٷمكٸندٸگٸ شەكتەۋلٸ كەسٸپكەرلەر ٷشٸن قىزىلوردا وبلىسىندا جاپپاي كەسٸپكەرلٸكتٸ دامىتۋدىڭ ٷش جىلدىعى (2018 - 2020 جج.) اياسىندا ۇيىمداستىرىلىپ وتىر.
كەسٸپكەرلەر ٷيٸندە وبلىستىق «ٶزٸڭە سەنە باستا» اتتى مٷمكٸندٸگٸ شەكتەۋلٸ كەسٸپكەرلەردٸڭ ٶنٸمدەرٸنەن وبلىستىق كٶرمە-بايقاۋى ٶتتٸ. شاراعا ەرتٷرلٸ سالادا كەسٸپكەرلٸكپەن اينالىسىپ جٷرگەن بارلىعى 50 ادام قاتىستى.
بايقاۋ بارىسىندا قاتىسۋشىلاردىڭ اعاش, توقىما, سۋرەت, تاعام مەن كٶپتەگەن باسقا دا ٶنٸمدەرٸنەن كٶرمە ۇيىمداستىرىلدى.
وبلىس ەكٸمٸ قىرىمبەك كٶشەرباەۆ شاراعا قاتىسىپ, بايقاۋ جەڭٸمپازدارى مەن قاتىسۋشىلارىن ماراپاتتادى.
«جۇمىسپەن قامتۋ كەز كەلگەن مەملەكەت ٷشٸن قاشاندا ٶزەكتٸ مەسەلەلەردٸڭ بٸرٸ بولىپ تابىلادى. ال ازاماتتاردى جۇمىسپەن قامتۋدىڭ بالاماسى ول - كەسٸپكەرلٸك. بٷگٸن مٷمكٸندٸگٸ شەكتەۋلٸ كەسٸپكەرلەردٸ قولداۋ ەرٸ ولاردىڭ دامۋىنا جول اشۋ ماقساتىندا «ٶزٸڭە سەنە باستا» كٶرمە-بايقاۋىن ٶتكٸزٸپ وتىرمىز.قاتىسۋشىلار - تاعدىر تاۋقىمەتٸنە قاراماستان, قوعامدا ٶز ورنىن تاۋىپ, ٶزٸن جۇمىسپەن قامتىپ, تٸپتٸ ٶزگەلەرگە جۇمىس تاۋىپ بەرگەن ازاماتتار. ولار كٶپكە ٷلگٸ بولۋعا لايىقتى جەنە قوعامدى ماسىلدىق كٶزقاراستان ارىلتۋعا سەپتٸگٸن تيگٸزەدٸ»,- دەدٸ ايماق باسشىسى.
بايقاۋ جەڭٸمپازدارىن وبلىستىق مەسليحات دەپۋتاتتارى, «نۇر وتان» پارتيياسى وبلىستىق فيليالىنىڭ ٶكٸلدەرٸ, كەسٸپكەرلەر پالاتاسىنىڭ مٷشەلەرٸ, «دامۋ» قورى مەن ەلەۋمەتتٸك قورعاۋ ۇيىمى قىزمەتكەرلەرٸنەن قۇرىلعان كوميسسييا انىقتادى.
سونىمەن, بايقاۋدىڭ جەڭٸمپازى «كەدەسىي جاساۋ جوباسىمەن جاڭاقورعان اۋدانىنان قاتىسقان قاسيەت ورال وبلىس ەكٸمٸنٸڭ العىس حاتى مەن 1 ميلليون تەڭگەگە يە بولدى. ەكٸنشٸ ورىن يەگەرٸ, «اياقكيٸم جاساۋ» جوباسىمەن قارماقشى اۋدانىنان قاتىسقان ەرلٸبەك جارماحانوۆ 700 مىڭ تەڭگەمەن, ٷشٸنشٸ ورىن يەگەرٸ «كەرٸز جٷيەلەرٸ ٶنٸمٸ, تەمٸر جەنە سۋرەت بۇيىمدارى» جوباسىمەن قىزىلوردا قالاسىنان قاتىسقان ەرتوحاەۆ اسلان 500 مىڭ تەڭگە سىياقىمەن ماراپاتتالدى. سونىمەن قاتار, بايقاۋدىڭ بارلىق 50 قاتىسۋشىسى دا گراموتا مەن تۇرمىستىق تەحنيكالىق تاۋارلار سەرتيفيكاتىنا يە بولدى.
«بٸرنەشە جىل بۇرىن جاقىندارىمنىڭ كٶمەگٸمەن كەدەسىي جاساۋمەن اينالىسا باستادىم جەنە كەسٸپكەرلٸكتٸ قولداۋعا باعىتتالعان تٷرلٸ مەملەكەتتٸك باعدارلامالاردا ٷزدٸك نەتيجەلەرگە قول جەتكٸزدٸم. بايقاۋدا جەڭٸمپاز اتانعانىما ٶتە قۋانىشتىمىن, ۇيىمداستىرۋشىلارعا وسىنداي بايقاۋ ٶتكٸزگەنٸ ٷشٸن جەنە قولداۋ كٶرسەتكەن جاندارعا العىس بٸلدٸرەمٸن. مۇنداي شارالار ٶز كەسٸپتەرٸن دامىتۋ ٷشٸن ٶتە قاجەت دەپ ەسەپتەيمٸن», - دەيدٸ ميلليوننىڭ يەگەرٸ قاسيەت ورال.
اتاپ ٶتەيٸك, قازٸرگٸ تاڭدا وبلىستا مٷمكٸندٸگٸ شەكتەۋلٸ 29353 ادام تٸركەلگەن. ونىڭ ٸشٸندە I توپتاعى مٷگەدەكتەردٸڭ سانى – 2827, II توپتاعى – 11145, III توپتاعى – 10526 بولسا, ال 18 جاسقا دەيٸنگٸ بالالاردىڭ سانى – 4855-تٸ قۇرايدى.
ولاردى قولداۋعا ايماقتا جٷيەلٸ جۇمىستار جٷرگٸزٸلۋدە. اعىمداعى جىلى جەكە وڭالتۋ باعدارلاماسىن ٸسكە اسىرۋ ٷشٸن وبلىستىق بيۋدجەتتەن 680 ملن. تەڭگە بٶلٸنگەن. 2018 جىلدىڭ بٸرٸنشٸ جارتىجىلدىعىندا جۇمىسپەن قامتۋ ورتالىعى ارقىلى 376 مٷمكٸندٸگٸ شەكتەۋلٸ ادامدى جالپى جۇمىس ورىندارىمەن, ونىڭ ٸشٸندە 148 مٷگەدەك جاندى تۇراقتى جۇمىس ورىندارىمەن قامتىپ وتىر. 2012 جىلدان باستاپ ٶڭٸرٸمٸزدە «ينۆاتاكسي» قىزمەتٸ ۇيىمداستىرىلعان. باستاپقىدا ينۆاتاكسي تەك 2 بولسا, بٷگٸنگٸ كٷنٸ ولاردىڭ سانى 18-گە جەتتٸ. ارباداعى ازاماتتاردى تاسىمالداۋعا ارنالعان اپپارەلٸ بار ارنايى باسپالداقپەن جابدىقتالعان 112 اۆتوبۋس قىزمەت كٶرسەتۋدە. سونىمەن قاتار, مەملەكەتتٸك باعدارلامالار اياسىندا كەسٸپكەرلٸكپەن اينالىسۋدى قالاعان مٷمكٸندٸگٸ شەكتەۋلٸ قىزىلوردالىقتار ەر سالادا ٶز ٸستەرٸن كەدەرگٸسٸز باستاۋ ٷشٸن جان-جاقتى كٶمەك الا الادى.
انىقتاما: وبلىس ەكٸمدٸگٸ مەن وبلىستىق مەسليحات, «نۇر وتان» پارتيياسىنىڭ فيليالىمەن, قوعامدىق كەڭەس جەنە كەسٸپكەرلەر پالاتاسىمەن 2018-2020 جىلدار وبلىسىمىزدا جاپپاي كەسٸپكەرلٸكتٸ دامىتۋدىڭ ٷش جىلدىعى دەپ جارييالاندى. بۇل كەزەڭدە شاعىن جەنە ورتا كەسٸپكەرلٸكتٸ دامىتۋعا باسىمدىلىق بەرٸلەتٸنٸ سٶزسٸز. جاپپاي كەسٸپكەرلٸكتٸ دامىتۋ ٷش ماڭىزدى مەسەلەنٸ: سالىق بازاسىنىڭ ۇلعايۋىن, جاڭا جۇمىس ورىندارىنىڭ قۇرىلۋىن, قوعامدىق-ساياسي احۋال تۇراقتىلىعىنىڭ جاقسارۋىن قامتاماسىز ەتەتٸنٸن اتاپ ٶتكەن جٶن.
جۇمىس ٸستەپ تۇرعان كەسٸپكەرلەرگە, ەسٸرەسە بولاشاق كەسٸپكەرلەرگە بارىنشا قولايلى جاعداي جاساۋ ماقساتىندا كەسٸپكەرلەر ٷيٸ اشىلدى. بۇل عيماراتقا وبلىستىق كەسٸپكەرلٸك جەنە تۋريزم باسقارماسى, «قىزىلوردا» ايماقتىق ينۆەستيتسييا ورتالىعى, كەسٸپكەرلەرگە قىزمەت كٶرسەتۋ ورتالىعى, «جوبالاردى ساراپتاۋ ورتالىعى» جشس, ٶڭٸرلٸك كەسٸپكەرلەر پالاتاسى, او «تسەسنابانك» قىزىلوردا وبلىسى فيليالى جەنە تاعى دا باسقا مەكەمەلەر ورنالاستى.
