فوتو: Gov.kz
قىزىلوردادا قر مەدەنيەت جەنە اقپارات مينيسترلٸگٸنٸڭ قولداۋىمەن «تەربيە تال بەسٸكتەن» اتتى ٸح رەسپۋبليكالىق ەكەلەر فورۋمى ٶتتٸ, دەپ حابارلايدى Ult.kz.
وعان رەسپۋبليكالىق ەكەلەر وداعىنىڭ ٶڭٸرلٸك باسشىلارى, زييالى قاۋىم ٶكٸلدەرٸ, وتباسى ساياساتى سالاسىنداعى ساراپشىلار, حالىقارالىق ۇيىمداردىڭ, جەرگٸلٸكتٸ اتقارۋشى ورگانداردىڭ, ٷەۇ ٶكٸلدەرٸ – جالپى 200-گە جۋىق ادام قاتىستى. كەزدەسۋ تاقىرىبى مەملەكەت باسشىسىنىڭ ٶز جولداۋىندا بەرگەن باعدارىنا سٷيەنە وتىرىپ ايقىندالدى.
«مەملەكەت باسشىسى قاسىم-جومارت توقاەۆ بيىلعى جولداۋىندا «مەكتەپكە دەيٸنگٸ تەربيە بەرۋ جەنە وقىتۋ ٸسٸنە مەملەكەتپەن قاتار اتا-انالاردا جاۋاپتى» دەگەنٸ بەلگٸلٸ. وتباسى – ٶسكەلەڭ ۇرپاق قۇندىلىقتارىنىڭ قالىپتاسۋىنىڭ نەگٸزگٸ كٶزٸ. بۇل بازالىق ەلەۋمەتتٸك ينستيتۋت, ونىڭ جۇمىس ٸستەۋٸ مەملەكەتتٸڭ ەل-اۋقاتى مەن تۇراقتىلىعىنا تٸكەلەي ەسەر ەتەدٸ», – دەدٸ قر مام جاستار جەنە وتباسى ٸستەرٸ كوميتەتٸ تٶراعاسىنىڭ ورىنباسارى بٸرجان ەلٸمجانوۆ.
فوتو: Gov.kz
فورۋمنىڭ ماقساتى – ەكەلەر مەن وتباسى ينستيتۋتىن دامىتۋ, بالالاردى تەربيەلەۋدەگٸ ەكەلەر رٶلٸنٸڭ ماڭىزىن انىقتاۋ, سونداي-اق تەربيە بەرۋدە تەجٸريبە الماسۋ.
فورۋمدا «ەر ادامنىڭ بەينەسٸن قالىپتاستىرۋداعى ەكەنٸڭ رٶلٸ: جاۋاپكەرشٸلٸك, باتىلدىق, قۇرمەت», «وتباسى جەنە قاۋٸپسٸزدٸك», «سانالى تٷردە اتا-انا بولۋ», «ەرلەر ٷشٸن سپورت پەن دەنساۋلىقتىڭ ماڭىزى» اتتى تاقىرىپتار اياسىندا بٸرقاتار تالقىلاۋلار ٶتكٸزٸلدٸ.
سونداي-اق, فورۋمنىڭ ەر قاتىسۋشىسى وتاندىق باسپاگەر, Forbes Kazakhstan جۋرنالىنىڭ قازاق تٸلٸندەگٸ باس رەداكتورى باقىتجان بۇقاربايدىڭ «زامانمەن ساناسقان 30 ەكەنٸڭ حيكاياسى» اتتى كٸتابىن سىيلىق رەتٸندە الدى. كٸتاپتا بالا تەربيەسٸ تۋرالى بٷگٸنگٸ ەكەلەردٸڭ ەڭگٸمەلەرٸ مەن ويلارى جيناقتالعان.
