قىزىلوردادا ەكٸ جاستاعى سەبي ٷرلەمەلٸ باسسەي̆نگە باتىپ كەتتٸ, - دەپ حابارلايدى "حابار 24" تەلەارناسى.
تەلەارنا مەلٸمەتٸنشە, وقيعا جۇما, 22 شٸلدەدە ساعات 19.25 شاماسىندا بولعان. وبلىس ورتالىعىندا ورنالاسقان رٷستەمبەكوۆ كٶشەسٸ بويىنداعى تۇرعىن ٷي̆دٸڭ اۋلاسىندا ەرەسەكتەردٸڭ قاراۋىنسىز قالىپ قويعان 2020 جىلى تۋعان سەبي ٷرلەمەلٸ باسسەي̆نگە باتىپ كەتكەن.
«وبلىس تۇرعىندارىنان بالالاردى قاراۋسىز قالدىرماۋدى سۇرايمىز. قاۋٸپسٸزدٸك قاعيدالارىن قاتاڭ ساقتاۋ لازىم. بالالارعا بارىنشا ساق بولىڭىزدار», - دەدٸ قىزىلوردا وبلىستىق تٶتەنشە جاعدايلار دەپارتامەنتٸنەن.
ەسكە سالساق, بۇدان بۇرىن قىزىلوردادا بالا باسسەينگە باتىپ كەتە جازداعان ەدٸ. 10 جاستاعى بالا «اراي» اكۆاپاركٸندە باسسەينگە سۋعا تٷسپەك بولعان. مەكەمە قۇتقارۋشىلارى بالانى دەر كەزٸندە سۋدان شىعارىپ ٷلگەرگەن.
