Qyzylordada eki jastaǵy sábi úrlemeli basseĭnge batyp ketti, - dep habarlaidy "Habar 24" telearnasy.
Telearna málimetinshe, oqiǵa juma, 22 shildede saǵat 19.25 shamasynda bolǵan. Oblys ortalyǵynda ornalasqan Rústembekov kóshesi boiyndaǵy turǵyn úĭdiń aýlasynda eresekterdiń qaraýynsyz qalyp qoiǵan 2020 jyly týǵan sábi úrlemeli basseĭnge batyp ketken.
«Oblys turǵyndarynan balalardy qaraýsyz qaldyrmaýdy suraimyz. Qaýipsizdik qaǵidalaryn qatań saqtaý lazym. Balalarǵa barynsha saq bolyńyzdar», - dedi Qyzylorda oblystyq tótenshe jaǵdailar departamentinen.
Eske salsaq, budan buryn Qyzylordada bala basseinge batyp kete jazdaǵan edi. 10 jastaǵy bala «Arai» akvaparkinde basseinge sýǵa túspek bolǵan. Mekeme qutqarýshylary balany der kezinde sýdan shyǵaryp úlgergen.
