قازاقستان دەنساۋلىق ساقتاۋ مينيسترلٸگٸ 10 سەۋٸردە تاڭەرتەڭ تاعى 21 ادامنان كوروناۆيرۋس تابىلعانىن حابارلاعان بولاتىن. باتىس قازاقستان وبلىسىندا - 2, ماڭعىستاۋ وبلىسىندا - 2, قىزىلوردا وبلىسىندا - 4, اتىراۋ وبلىسىندا - 3, شىمكەنت قالاسىندا - 4, اقمولا وبلىسىندا - 1, قاراعاندى وبلىسىندا - 4, نۇر-سۇلتان قالاسىندا - 1 ادامعا ۆيرۋس جۇققانى انىقتالعان.
قىزىلوردا وبلىسىندا تٶرت ناۋقاستىڭ ٷشەۋٸ شيەلٸ اۋدانى بالا بي, قودامانوۆ اۋىلدارىندا تۇرادى. بٸرەۋٸ - جاڭاقورعان اۋدانىنىنىڭ تۇرعىنى. 1989 جىلعى ەر ادام, 2010 جىلعى بٸر ۇل بالا, 1996 جەنە 1967 جىلعى ەيەل ادام كوروناۆيرۋس جۇققان ناۋقاستارمەن بايلانىستا بولعان. قازٸر ولارمەن بايلانىستا بولعان ادامدار انىقتالىپ جاتىر. قىزىلوردادا ناۋقاستار 104 ادامعا جەتتٸ. قىزىلوردا قالاسىندا – 12, جاڭاقورعان اۋدانىندا – 17, قارماقشىدا – 4, شيەلٸدە – 55, سىردارييا اۋدانىندا – 14, ارال اۋدانىندا – 2 ادامنان ۆيرۋس تابىلعان.
وبلىستىق دەنساۋلىق ساقتاۋ باسقارماسىنىڭ دەرەگٸنشە, ناۋقاستاردىڭ جاعدايى - بٸرقالىپتى.
قازاقستاندا بارلىعى 802 ادامنان ۆيرۋس تابىلعان. قىزىلوردا وبلىسى - ۆيرۋس جۇقتىرعاندار سانى جاعىنان نۇر-سۇلتان (226) جەنە الماتىدان (122) كەيٸن ٷشٸنشٸ ورىندا تۇر. 9 سەۋٸردە قىزىلوردا وبلىستىق دەنساۋلىق ساقتاۋ باسقارماسىنىڭ جەتەكشٸسٸ وبلىستا جاعداي كٷردەلٸ بولىپ بارا جاتقانىن ايتىپ, تۇرعىنداردى كارانتين ەرەجەلەرٸن ساقتاۋعا شاقىرعان. سەۋٸر ايىنىڭ باسىندا وبلىستا شەكتەۋ شارالارى ەنگٸزٸلگەن.
