Qazaqstan densaýlyq saqtaý ministrligi 10 sáýirde tańerteń taǵy 21 adamnan koronavirýs tabylǵanyn habarlaǵan bolatyn. Batys Qazaqstan oblysynda - 2, Mańǵystaý oblysynda - 2, Qyzylorda oblysynda - 4, Atyraý oblysynda - 3, Shymkent qalasynda - 4, Aqmola oblysynda - 1, Qaraǵandy oblysynda - 4, Nur-Sultan qalasynda - 1 adamǵa virýs juqqany anyqtalǵan.
Qyzylorda oblysynda tórt naýqastyń úsheýi Shieli aýdany Bala bi, Qodamanov aýyldarynda turady. Bireýi - Jańaqorǵan aýdanynynyń turǵyny. 1989 jylǵy er adam, 2010 jylǵy bir ul bala, 1996 jáne 1967 jylǵy áiel adam koronavirýs juqqan naýqastarmen bailanysta bolǵan. Qazir olarmen bailanysta bolǵan adamdar anyqtalyp jatyr. Qyzylordada naýqastar 104 adamǵa jetti. Qyzylorda qalasynda – 12, Jańaqorǵan aýdanynda – 17, Qarmaqshyda – 4, Shielide – 55, Syrdariia aýdanynda – 14, Aral aýdanynda – 2 adamnan virýs tabylǵan.
Oblystyq densaýlyq saqtaý basqarmasynyń dereginshe, naýqastardyń jaǵdaiy - birqalypty.
Qazaqstanda barlyǵy 802 adamnan virýs tabylǵan. Qyzylorda oblysy - virýs juqtyrǵandar sany jaǵynan Nur-Sultan (226) jáne Almatydan (122) keiin úshinshi orynda tur. 9 sáýirde Qyzylorda oblystyq densaýlyq saqtaý basqarmasynyń jetekshisi oblysta jaǵdai kúrdeli bolyp bara jatqanyn aityp, turǵyndardy karantin erejelerin saqtaýǵa shaqyrǵan. Sáýir aiynyń basynda oblysta shekteý sharalary engizilgen.
