ەلوردا ەكٸمٸ ەسەت يسەكەشەۆتٸڭ قانداي قىزمەتتٸك كٶلٸكپەن جٷرەدٸ? بۇل تۋرالى استانا قالاسى ەكٸمٸنٸڭ باسپاسٶز حاتشىسى ەلۆيرا جٷرگەنباەۆا ايتىپ بەردٸ, دەپ حابارلايدى قازاقپارات تٸلشٸسٸ.
«كٷن سايىن ەكٸم Toyota HiAce شاعىن اۆتوبۋسىمەن جٷرەدٸ. ول قالانى اينالىپ, جول قۇرىلىستارىن باقىلاپ, بالاباقشالاردى دا كٶرٸپ شىعادى», - دەدٸ ەلۆيرا جٷرگەنباەۆا قالا ەكٸمدٸگٸندە ٶتكەن باسپاسٶز مەسليحاتىندا تٸلشٸلەردٸڭ سۇراعىنا جاۋاپ بەرە وتىرىپ.
ٶز كەزەگٸندە استانا قالالىق ورتانى رەگەنەراتسييالاۋ باسقارماسىنىڭ باسشىسى عاني يسقاليەۆ قىركٷيەكتەن باستاپ قالا باسشىسى بيزنەس-كلاسس دەرەجەسٸندەگٸ تاكسيمەن قوزعالاتىنىن, ال لاۋازىمى ودان تٶمەن شەنەۋنٸكتەر ەكونوم-كلاسس دەرەجەسٸندەگٸ تاكسيمەن قوزعالاتىنىن اتاپ ٶتتٸ.
«ەكٸم ەرتٷرلٸ كٶلٸكپەن جٷرەدٸ. ميكرواۆتوبۋسپەن دە قوزعالاتىن كەزدەرٸ بولادى. بيزنەس كلاسس دەرەجەسٸندەگٸ كٶلٸكتەر - ولار كامري, شكودا سۋپەر ب. تاكسوپارك كەز كەلگەن كٶلٸكتٸ جٸبەرۋگە قۇقىلى. ەكونوم كلاسس دەرەجەسٸندەگٸلەر - قالادا جٷرگەن قاراپايىم كٶلٸكتەر», - دەيدٸ عاني يسقاليەۆ.
ەسكە سالا كەتسەك, بۇعان دەيٸن استانالىق ەكٸمدٸكتٸڭ 2018 جىلدان باستاپ, تاكسي قولدانۋ بويىنشا پيلوتتىق جوباعا اۋىساتىنى حابارلانعان ەدٸ. وسى جىلدىڭ قىركٷيەك ايىندا قالا ەكٸمدٸك قىزمەتتٸك كٶلٸكتەردەن باس تارتقالى وتىر.
