Elorda ákimi Áset Isekeshevtiń qandai qyzmettik kólikpen júredi? Bul týraly Astana qalasy ákiminiń baspasóz hatshysy Elvira Júrgenbaeva aityp berdi, dep habarlaidy QazAqparat tilshisi.
«Kún saiyn ákim Toyota HiAce shaǵyn avtobýsymen júredi. Ol qalany ainalyp, jol qurylystaryn baqylap, balabaqshalardy da kórip shyǵady», - dedi Elvira Júrgenbaeva qala ákimdiginde ótken baspasóz máslihatynda tilshilerdiń suraǵyna jaýap bere otyryp.
Óz kezeginde Astana qalalyq ortany regeneratsiialaý basqarmasynyń basshysy Ǵani Isqaliev qyrkúiekten bastap qala basshysy biznes-klass dárejesindegi taksimen qozǵalatynyn, al laýazymy odan tómen sheneýnikter ekonom-klass dárejesindegi taksimen qozǵalatynyn atap ótti.
«Ákim ártúrli kólikpen júredi. Mikroavtobýspen de qozǵalatyn kezderi bolady. Biznes klass dárejesindegi kólikter - olar Kamri, Shkoda Sýper B. Taksopark kez kelgen kólikti jiberýge quqyly. Ekonom klass dárejesindegiler - qalada júrgen qarapaiym kólikter», - deidi Ǵani Isqaliev.
Eske sala ketsek, buǵan deiin astanalyq ákimdiktiń 2018 jyldan bastap, taksi qoldaný boiynsha pilottyq jobaǵa aýysatyny habarlanǵan edi. Osy jyldyń qyrkúiek aiynda qala ákimdik qyzmettik kólikterden bas tartqaly otyr.
