اقپارات جەنە قوعامدىق دامۋ سالاسىنداعى قوعامدىق كەڭەستٸڭ وتىرىسىندا تٸلدٸك, ۇلتتىق نەمەسە نەسٸلدٸك بەلگٸلەرٸ بويىنشا كەمسٸتۋدٸڭ, ار-نامىسى مەن ابىرويىن قورلاۋدىڭ كەز كەلگەن نىساندارىنىڭ الدىن الۋ جٶنٸندەگٸ ٸس-شارالار كەشەنٸ تالقىلاندى, دەپ حابارلايدى قازاقپارات.
قر اقپارات جەنە قوعامدىق دامۋ مينيسترلٸگٸ ەتنوسارالىق قاتىناستاردى دامىتۋ كوميتەتٸنٸڭ تٶراعاسى عالىم شويكيننٸڭ ايتۋىنشا, 2021 جىلدىڭ 9 ايىندا ەتنوسارالىق قاتىناستاردى نىعايتۋ جٶنٸندەگٸ سەمينارلار, ترەنينگتەر مەن كەزدەسۋلەردٸڭ كەستەسٸ بويىنشا وسى سالادا قىزمەت ەتٸپ جٷرگەن 2 مىڭداي ازامات ارنايى وقۋدان ٶتكەن.
«جىل باسىنان بەرٸ ٶڭٸرلەر ٷشٸن ەتنوسارالىق قاتىناستار مەسەلەلەرٸ بويىنشا 9 ەدٸستەمەلٸك ۇسىنىم ەزٸرلەندٸ. ونىڭ ٸشٸندە ەرەكشە اتاپ ٶتەتٸنٸ – حالىققا قىزمەت كٶرسەتۋ كەزٸندە ەتنيكالىق, تٸلدٸك نەمەسە ٶزگە دە تيٸستٸلٸك بەلگٸسٸ بويىنشا كەمسٸتۋلەردٸ بولدىرمايتىن «تەڭ قۇقىقتار» قاعيداتتارىن ٸسكە اسىرۋ جٶنٸندەگٸ ەدٸستەمەلٸك ۇسىنىمدار دايىندالدى. ولار قوعام بەلسەندٸلەرٸن, جۇرتشىلىقتىڭ, جالپى قازاقستان حالقى اسسامبلەياسى ەتنومەدەني ورتالىقتارىنىڭ, جاستار ۇيىمدارىنىڭ مٷشەلەرٸن تارتا وتىرىپ, ازاماتتاردىڭ تەڭ قۇقىقتارىن قامتاماسىز ەتۋدٸ جەنە ەتنوسى بويىنشا كەمسٸتۋدٸ بولدىرماۋعا باعىتتالادى. مينيسترلٸك دايىنداعان ۇسىنىستار بيىل ٶڭٸرلەردە ارنايى قۇرىلعان ەتنوسارالىق قاتىناستاردى دامىتۋ بٶلٸمدەرٸنٸڭ جۇمىسىندا كەڭٸنەن قولدانۋعا ەنگٸزٸلۋدە», - دەدٸ كوميتەت تٶراعاسى.
