Aqparat jáne qoǵamdyq damý salasyndaǵy qoǵamdyq keńestiń otyrysynda tildik, ulttyq nemese násildik belgileri boiynsha kemsitýdiń, ar-namysy men abyroiyn qorlaýdyń kez kelgen nysandarynyń aldyn alý jónindegi is-sharalar kesheni talqylandy, dep habarlaidy QazAqparat.
QR Aqparat jáne qoǵamdyq damý ministrligi Etnosaralyq qatynastardy damytý komitetiniń tóraǵasy Ǵalym Shoikinniń aitýynsha, 2021 jyldyń 9 aiynda etnosaralyq qatynastardy nyǵaitý jónindegi seminarlar, treningter men kezdesýlerdiń kestesi boiynsha osy salada qyzmet etip júrgen 2 myńdai azamat arnaiy oqýdan ótken.
«Jyl basynan beri óńirler úshin etnosaralyq qatynastar máseleleri boiynsha 9 ádistemelik usynym ázirlendi. Onyń ishinde erekshe atap ótetini – halyqqa qyzmet kórsetý kezinde etnikalyq, tildik nemese ózge de tiistilik belgisi boiynsha kemsitýlerdi boldyrmaityn «teń quqyqtar» qaǵidattaryn iske asyrý jónindegi ádistemelik usynymdar daiyndaldy. Olar qoǵam belsendilerin, jurtshylyqtyń, jalpy Qazaqstan halqy Assambleiasy etnomádeni ortalyqtarynyń, jastar uiymdarynyń múshelerin tarta otyryp, azamattardyń teń quqyqtaryn qamtamasyz etýdi jáne etnosy boiynsha kemsitýdi boldyrmaýǵa baǵyttalady. Ministrlik daiyndaǵan usynystar biyl óńirlerde arnaiy qurylǵan etnosaralyq qatynastardy damytý bólimderiniń jumysynda keńinen qoldanýǵa engizilýde», - dedi komitet tóraǵasy.
