ٶتكەن تەۋلٸكتە قۇرلىقتىق قىتايدا بٸردە-بٸر كوروناۆيرۋس جۇقتىرۋ وقيعاسى تٸركەلمەگەنٸنە قاراماستان, قىتايدىڭ سولتٷستٸك-شىعىسىنداعى شۋلان قالاسىندا جاعداي مەز ەمەس, دەپ حابارلايدى "ۇلت اقپارات".
شۋلاندا (تسزيلين پروۆينتسيياسى, سولتٷستٸك-شىعىس قىتاي) 16 ادام كوروناۆيرۋس جۇقتىرعان (11 مامىر).
جەرگٸلٸكتٸ باق-تىڭ حابارلاۋىنشا, بۇل ٸندەتتٸڭ قاۋٸپتٸلٸگٸ - شۋلان قالاسىندا كلاستەرلٸك ينفەكتسييانىڭ كٶزٸ ەلٸ انىقتالماۋىندا.
بٷگٸنگٸ تاڭدا شۋلان ەپيدەميولوگييالىق قاۋٸپ-قاتەردٸڭ جوعارى دەڭگەيٸ جارييالانعان قحر-داعى جالعىز قالا دەڭگەيٸنە اينالدى. قالاعا كارانتين ەنگٸزٸلٸپ, ونىڭ تۇرعىندارى كوروناۆيرۋستىڭ ٶرشۋٸنە بايلانىستى تولىق وقشاۋلانۋعا قايتا ورالدى.
«جالپى العاندا ٶتكەن تەۋلٸكتە (2020 جىلدىڭ 11 مامىرداعى ساعات 24:00-دەگٸ جاعداي بويىنشا) قۇرلىقتىق قىتايدا بٸردە-بٸر كوروناۆيرۋس جۇقتىرۋ جاعدايى تٸركەلمەگەن. ٸندەتتەن قايتىس بولۋ وقيعاسى دا جوق», - دەپ حابارلادى قحر دەنساۋلىق ساقتاۋ ٸستەرٸ جٶنٸندەگٸ مەملەكەتتٸك كوميسسييا.
اۋرۋ جۇقتىرۋدىڭ جاڭا وقيعالارى سىرتتان ەكەلٸنگەن. كوروناۆيرۋستىڭ 15 سيمپتومسىز جاعدايى انىقتالعان.
ەپيدەمييا باستالعالى قۇرلىقتىق قىتايدا COVID-19 جۇقتىرعاندار سانى 82 919 ادام. 78 171 ادام قاۋٸپتٸ ۆيرۋستان ەمدەلٸپ, اۋرۋحانادان شىعارىلعان. 4633 ادام كوروناۆيرۋستان قايتىس بولعان.
ەل اۋرۋحاناسىندا 115 ادام كوروناۆيرۋستان ەم قابىلداۋدا. 10 ناۋقاستىڭ جاعدايى اۋىر دەپ باعالانعان.
