Ótken táýlikte qurlyqtyq Qytaida birde-bir koronavirýs juqtyrý oqiǵasy tirkelmegenine qaramastan, Qytaidyń soltústik-shyǵysyndaǵy Shýlan qalasynda jaǵdai máz emes, dep habarlaidy "Ult aqparat".
Shýlanda (Tszilin provintsiiasy, soltústik-shyǵys Qytai) 16 adam koronavirýs juqtyrǵan (11 mamyr).
Jergilikti BAQ-tyń habarlaýynsha, bul indettiń qaýiptiligi - Shýlan qalasynda klasterlik infektsiianyń kózi áli anyqtalmaýynda.
Búgingi tańda Shýlan epidemiologiialyq qaýip-qaterdiń joǵary deńgeii jariialanǵan QHR-daǵy jalǵyz qala deńgeiine ainaldy. Qalaǵa karantin engizilip, onyń turǵyndary koronavirýstyń órshýine bailanysty tolyq oqshaýlanýǵa qaita oraldy.
«Jalpy alǵanda ótken táýlikte (2020 jyldyń 11 mamyrdaǵy saǵat 24:00-degi jaǵdai boiynsha) qurlyqtyq Qytaida birde-bir koronavirýs juqtyrý jaǵdaiy tirkelmegen. Indetten qaitys bolý oqiǵasy da joq», - dep habarlady QHR Densaýlyq saqtaý isteri jónindegi memlekettik komissiia.
Aýrý juqtyrýdyń jańa oqiǵalary syrttan ákelingen. Koronavirýstyń 15 simptomsyz jaǵdaiy anyqtalǵan.
Epidemiia bastalǵaly qurlyqtyq Qytaida COVID-19 juqtyrǵandar sany 82 919 adam. 78 171 adam qaýipti virýstan emdelip, aýrýhanadan shyǵarylǵan. 4633 adam koronavirýstan qaitys bolǵan.
El aýrýhanasynda 115 adam koronavirýstan em qabyldaýda. 10 naýqastyń jaǵdaiy aýyr dep baǵalanǵan.
