سوڭعى بٸرنەشە ايدا قىتايدا كوروناۆيرۋس قايتا ٶرشٸگەن. دەنساۋلىق ساقتاۋ ورگاندارى پەكينگە جاقىن حەبەي پروۆينتسيياسىندا 8 كٷن ٸشٸندە 364 ادامنان كوروناۆيرۋس ينفەكتسيياسى انىقتالعانىن حابارلادى. بۇل - سوڭعى 5 ايدا تٸركەلگەن ەڭ جوعارى كٶرسەتكٸش. ۇلتتىق دەنساۋلىق ساقتاۋ كوميسسيياسى 10 قاڭتاردا بٸر كٷندە انىقتالعان 69 ناۋقاستىڭ 46-ى حەبەيدە تٸركەلگەنٸن حابارلادى.
بٸر جىل بۇرىن قىتايدىڭ ۋحان قالاسىندا كوروناۆيرۋستان بٸر ادام قايتىس بولىپ, قالا ٸندەت وشاعىنا اينالعان. قىتاي بيلٸگٸ دەمالىس كٷندەرٸ بۇل داتانى ەلەمەدٸ. بىلتىر 11 قاڭتاردا قىتايلىق باق 61 جاستاعى تۇرعىننىڭ بەلگٸسٸز ۆيرۋستان قايتىس بولعانىن حابارلاعان. ول ۋحانداعى ەت ساتاتىن بازارعا بارعان. ۆيرۋس وسى بازاردان بەلگٸسٸز جاعدايدا تارادى دەپ ايتىلادى.
قازٸر ۋحان قالاسى قالىپتى تٸرلٸگٸنە ورالعان. مۇندا بىلتىر جىل باسىندا ەكٸ اي بويى قاتاڭ كارانتين ەنگٸزٸلگەننەن كەيٸن ۆيرۋس ازايعان.
امەريكالىق دجونس حوپكينس ۋنيۆەرسيتەتٸنٸڭ مەلٸمەتٸ بويىنشا, ەلەمدە كەمٸندە 90 ميلليون ادامعا كوروناۆيرۋس جۇققان. 1,9 ملن ادام قايتىس بولعان. بۇل دەرەك قورى ەلەم ٷكٸمەتتەرٸنٸڭ رەسمي مەلٸمەتٸنە سٷيەنٸپ جاسالعاندىقتان شىنايى كٶرسەتكٸش ودان ەلدەقايدا كٶپ بولۋى مٷمكٸن.
وسىعان دەيٸن حالىقارالىق قاۋىمداستىق قىتاي بيلٸگٸن كوروناۆيرۋس قاۋپٸ جايلى ايتقانداردى قۋدالادى, ناۋقاستار سانىن جاسىردى دەپ ايىپتاپ, ٶتكٸر سىناعان.
