قىتاي حالىق رەسپۋبليكاسىنىڭ قازاقستان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ چجان سياو ەكٸ ەل اراسىنداعى قارىم-قاتىناسقا بايلانىستى جازىلاتىن تٷرلٸ جازباعا قاتىستى پٸكٸر بٸلدٸردٸ, دەپ حابارلايدى Baq.kz اگەنتتٸگٸ.
ديپلومات قىتاي مەن قازاقستان اراسىنداعى بايلانىستىڭ ماڭىزىن ايتا كەلە, «قىتايدىڭ قازاقستاندى جاۋلاپ العىسى كەلەتٸن گەوساياسي جوسپارى جوق» دەدٸ.
«قىتاي قازاقستان تەرريتوريياسىنىڭ بٶلٸگٸن جاۋلاپ الماقشى, قىتاي قازاقستان تەرريتوريياسىنىڭ بٶلٸگٸن جاۋلاپ العىسى كەلەدٸ» نەمەسە «قازاقستان ەكونوميكاسىنا ايلا-شارالار قولدانادى» دەگەن «قىتايدىڭ قازاقستاندى جاۋلاپ العىسى كەلەتٸن گەوساياسي جوسپارى بار» دەپ جازاتىندار بار. مۇنداي جازبالار بولدى, قازٸر دە بار. بەرٸن جاقسى بٸلەمٸز. بٸراق مۇنداي جازبالارعا مەن بەرۋدٸڭ قاجەتٸ جوق. مۇندايدى جازاتىن نە ايتاتىن ادامداردىڭ نە باسى جوق, نە باسى «جامان, لاس», يا بولماسا بٸرەۋدٸڭ تاپسىرماسىمەن جازاتىندار. سوندىقتان بٷگٸنگٸ كٶرمە بٸر-بٸرٸمٸزدٸ جاقسى تانۋعا, قارىم-قاتىناسىمىزدى ودان ەرٸ جاقسارتۋعا كٶمەكتەسەدٸ. بٷگٸندە ٶتە ماڭىزدى مەدەني-گۋمانيتارلىق جاعىمىزدى ىڭعايلاستىرۋعا ىقپال ەتەدٸ. قازٸر ەكٸ ەلدٸڭ قارىم-قاتىناسى ٶتە جوعارى دەڭگەيدە. ٶتكەن جىلى نۇرسۇلتان نازارباەۆ قىتايدا بولدى. 2019 جىل دا ەكٸجاقتى قارىم-قاتىناس ٷشٸن ٸرٸ وقيعالارعا تولى بولادى دەپ ويلايمىن», - دەدٸ ەلشٸ ۇلتتىق مۋزەيدە قىتايلىقتاردىڭ جاڭا جىل مەرەكەسٸنە وراي ۇيىمداستىرىلعان «كٶكتەم مەرەكەسٸ» كٶرمەسٸنٸڭ اشىلۋ سالتاناتىندا.
ديپلومات قازاقستاننىڭ قىتاي ٷشٸن ماڭىزدىلىعى مەن قوس ەلدٸڭ اراسىنداعى قاتىناستىڭ ماقساتىنا تاعى توقتالدى.
«ٷنەمٸ وسىنداي سٶزدەردٸ جازاتىنداردىڭ جازباسى كٷلكٸلٸ. قىتاي ٶزٸنٸڭ مىڭجىلداعان تاريحىندا ەشكٸمنٸڭ تەرريتوريياسى ٶزدٸگٸنەن شابۋىل جاسامادى, ەشكٸمنٸڭ تەرريتوريياسىن تارتىپ المادى. قىتايلىقتار عاسىرلار بويى وتباسىندا, كٶرشٸلەرمەن, قوعامدا ٷيلەسٸمدە بولۋدى دەرٸپتەپ كەلەدٸ. سوندىقتان تاعى ايتىپ كەتەمٸن, بۇل جازبالار – بٸرەۋدٸڭ تاپسىرىسىمەن نە «باسى» جوق ادامنىڭ جازعانى. قازاقستان قىتاي ٷشٸن ستراتەگييالىق سەرٸكتەس, جاقىن كٶرشٸ, ەسكٸ دوس جەنە بٸز ەكٸجاقتى دوستىق, تەڭقۇقىلى, ەكٸجاققا دا تيٸمدٸ قارىم-قاتىناس ورناتۋعا نيەتتٸمٸز. بٸزدٸڭ باسقا ماقساتىمىز نە ويىمىز جوق جەنە بولۋى مٷمكٸن ەمەس», - دەدٸ ەلشٸ جۋرناليستەرگە.
بيىل قىتاي جاڭا جىلى 2 اقپاندا باستالادى. وسى ايرىقشا كٷنگە وراي قىتاي حالىق رەسپۋبليكاسىنىڭ ەلشٸلٸگٸ مەن قازاقستاننىڭ ۇلتتىق مۋزەيٸ بٸرلەسە «كٶكتەم مەرەكەسٸ» فوتوكٶرمەسٸن ۇيىمداستىردى.
