قىتاي ەلٸندە تۇراتىن قانداسىمىز بەلگٸلٸ اقىن, ايتىس ساحناسىنىڭ تارلانبوزى جامالقان قاراباتىرقىزى 81 جاسىندا دٷنيەدەن ٶتتٸ, دەپ حابارلايدى قازاقپارات.
جامالقان قاراباتىرقىزى - 1940 جىلى قحر شىنجاڭ ٶلكەسٸنٸڭ تارباعاتاي ايماعىنداعى جايىر تاۋىندا تۋعان. ول - شىڭجاڭداعى قازاقتاردىڭ ايتىس ٶنەرٸنٸڭ كٶشٸن باستاۋشى. بۇرىنعى ٶتكەن اقىنداردا كٶپ ۇشىرايتىن جۇمباق ايتىس تٷرٸن قايتا تٷلەتٸپ, كەيٸنگٸ بۋىنعا ٶزٸندٸك ٷلگٸ كٶرسەتە بٸلگەن اقىن.
ول - ەر جىلدارى قاتىسقان الامان ايتىستاردا باس جٷلدەنٸ 18 مەرتە جەڭٸپ العان ايتىس اقىندارىنىڭ ۇستازى. سونىمەن بٸرگە اقىن اۋىز ەدەبيەتٸ جەنە ونىڭ ايىرىم تٷرلەرٸن زەرتتەۋگە دەن قويعان. جامالقان قاراباتىرقىزى «ايتىس جەنە مەنٸڭ ەرٸپتەستەرٸم», «بەردٸحان قانداي اقىن», «اۋىز ەدەبيەتٸندەگٸ ەيەلدەردٸڭ ورنى», «كٶركەمدٸك پەن شەشەندٸك», «جوقتاۋلار نەنٸ ايتادى», «ايتىستىڭ مٸنەزٸ», «بەسٸك جىرىنىڭ بەلگٸسٸ», «اۋىل ەۋەندەرٸ», «جىر نٶسەرٸ» سەكٸلدٸ كٶپتەگەن سىن-زەرتتەۋ ەڭبەكتەرٸنٸڭ اۆتورى.
سونداي-اق اۋداندىق, وبلىستىق اقىندار ايتىسىن ۇيىمداستىرۋ جۇمىستارىمەن اينالىسقان. جوعارى وقۋ ورىندارىندا اشىلعان اقىندار سىنىپتارىنا ايتىس ٶنەردٸڭ ەر قىرىنان ارناۋلى ساباقتار بەرگەن. سوڭعى جىلدارى اقىننىڭ ەڭبەكتەرٸ قىتاي تٸلٸنە اۋدارىلىپ, كٸتاپ بولىپ شىقتى.
