- جاقىندا شىنجاڭ ۇيعىر تەلەارناسىنىڭ «شىرىن تٷس» باعدارلاماسىنىڭ تاقىرىبىنا ارقاۋ بولعان قانداسىمىز زايرا اسەيٸنعازىقىزىنىڭ ٸزگٸ ٸستەرٸ قىتاي حالقىن تەبٸرەنتٸپ, ەلەۋمەتتٸك جەلٸلەردە قىزۋ تالقىلانىپ جاتىر, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
باعدارلامادا بەلگٸلٸ بولعانداي, زايرا اسەيٸنعازىقىزى اتا-اناسىنان ايىرىلعان جارىمجان بالالارعا ارنايى ورتالىق اشقان ەكەن. ول وسى كٷنٸ اتالعان ورتالىقتا ەر ۇلت ٶكٸلدەرٸنەن 62 مٷگەدەك ەرٸ جەتٸم بالالاردى ٶز قامقورلىعىنا الىپ, وقىتىپ, تٷرلٸ قاجەتتٸلٸكتەرٸنە كٶمەكتەسۋدە. زايرا بۇل ٸسٸن ٶزٸنٸڭ باسىنان ٶتكەن تاعدىرىمەن بايلانىستىرادى.
«مەنٸڭ ٶزٸم 4 جاسىمدا جەتٸم قالدىم. ەر جەتۋٸمە, ٶمٸرٸمدەگٸ قيىن كەزەڭدەردٸ ەڭسەرۋگە كٶپتەگەن مەيٸربان ادامدار كٶمەك بەردٸ. كٸشكەنە كەزٸمدە تۇرمىسىمىز ٶتە تٶمەن بولدى. سوندا, كەيٸن ەر جەتكەندە, ٶزٸم سەكٸلدٸ جەتٸم بالالارعا جەردەم قىلسام, ماڭدايىنان سىيپاسام دەپ ارماندايتىنمىن. مەكتەپ بٸتٸرگەننەن كەيٸن جوعارى وقۋ ورنىنا تٷسۋگە قاراجاتىم بولمادى. سوسىن زاۋىتقا تۇرىپ, اۋىر جۇمىستار ٸستەۋگە مەجبٷر بولدىم», - دەپ ەڭگٸمەلەيدٸ زايرا اسەيٸنعازىقىزى. وسىلايشا ەرتە جاستان ەڭبەككە ارالاسقان ول كٶپتەگەن قيىنشىلىقتاردى باستان كەشكەنٸن ايتادى.
سىرقاتتانىپ تٶسەك تارتىپ قالعان كەزدەرٸ, تٸپتٸ, 40 كٷندەي تەك قۇرعاق نان جەپ, قايناعان سۋمەن ٶزەك جالعاعان كەزدەر بولىپتى. ەيتسە دە, تاعدىردىڭ اۋىر سىناعىن ەڭسەرۋگە مەيٸربان جانداردىڭ كٶمەگٸ كٶپ سەپتٸگٸن تيگٸزگەن.
«اۋرۋىم اسقىنعان كەزدە جەكە ەمحاناسى بار بٸر دەرٸگەر كٸسٸنٸڭ ارقاسىندا تەگٸن ەمدەلٸپ, جازىلدىم. بۇل ماعان جٸگەر بەردٸ. اقشام جوق بولسا دا, ٶمٸردە جاقسى ادامدار بار ەكەنٸنە كٶزٸم جەتتٸ. كەيٸن كٶشەدە نان سۇراپ, قايىر تٸلەپ جٷرگەن بٸر ەجەنٸ كٶرٸپ, ەڭگٸمەگە تارتتىم. ول كٸسٸنٸڭ بالالارى ٶمٸردەن ەرتە وزىپتى. مەن ەجەگە كٶمەكتەسٸپ, وعان بالا بولدىم. وسىلايشا ٶمٸردەن ٶزٸمە كٶپتەگەن انالار, ەكەلەر تاپتىم. ٶزٸم كٶرگەن قيىندىقتاردى بٷگٸنگٸ جەتٸمدەر كٶرمەسە ەكەن دەدٸم. سول ٷشٸن اتا-اناسىنان ايىرىلعان مٷگەدەك بالالاردى جيناپ, باۋىرىما باستىم. ولاردىڭ ٶنەرٸن ۇشتاۋعا, ٶمٸردەن ٶز ٷلەستەرٸن الۋعا بارىنشا جٸگەرلەندٸرٸپ كەلەمٸن. بٷگٸندە 8 ۇلت ٶكٸلٸنەن 62 بالام بار. ولاردىڭ بٸرٸنٸڭ ەكەسٸ جوق, بٸرٸنٸڭ شەشەسٸ جوق, بٸرەۋٸنٸڭ اياعى جوق, بٸرٸنٸڭ كٶزٸ كٶرمەيدٸ», - دەيدٸ زايرا اسەيٸنعازىقىزى.
ونىڭ ايتۋىنشا, بۇل ەلەم جاقسى ادامدارعا تولى. ٶمٸردە بارلىق ادام تەڭ. الايدا, سولاي بولا تۇرا, ادامدار اقشادان, جاقسى ٶمٸردەن جالىعۋى مٷمكٸن, ال ٸزگٸلٸك پەن ماحابباتتان, قامقورلىق پەن مەيٸرٸمنەن ادام بالاسى ەش جالىقپايدى.
«مەن بۇل جەتٸمەكتەردٸ ٸزگٸ-نيەتتٸ جانداردىڭ كٶمەگٸنٸڭ ارقاسىندا باعىپ جاتىرمىن. كٶمەك قولىن سوزاتىندار كٶپ. قازٸر بالالارىمنىڭ 20-سى ٷيلەندٸ. مەن وسى ورتادا جٷرٸپ كٶپتەگەن ەسەرلٸ, ٸزگٸ ٸستەرگە كۋە بولدىم. بٸردە 23 جاستاعى ون ەكٸ مٷشەسٸ ساۋ, وقىعان قىز كەلٸپ, كٶزٸ مٷلدەم كٶرمەيتٸن زاعيپ جٸگٸتپەن باس قوستى, وتاۋ قۇردى. اينالاسىنداعى بٸراز جۇرت وعان: «سەن وقىعانسىڭ, بولاشاعىڭ بار قىزسىڭ, نەگە مٷگەدەك جانعا ٶز تاعدىرىڭدى بايلايسىڭ», دەپ قارسى بولدى. سوندا ەلگٸ قىز: «مەن بۇل دٷنيەدەن ەشتەڭە ٸستەمەي ٶتسەم دە, وسى جٸگٸتتٸڭ قوس جانارى بولايىن», - دەدٸ. مٸنە وسىدان ارتىق قانداي ادامگەرشٸلٸك, قانداي ٸزگٸلٸك بار», - دەپ كٶزٸنە جاس الادى زايرا اسەيٸنعازىقىزى.
باعدارلاما بارىسىندا, زايرا اسەيٸنعازىقىزىنىڭ تەربيەسٸندەگٸ جارىمجان قازاق قىزى ەن سالدى جەنە قولى جوق, قۇلاعى ەستٸمەيتٸن, سٶيلەي المايتىن بالانىڭ اۋزىمەن, اياعىمەن سالعان سۋرەتتەرٸ كٶرسەتٸلدٸ. سونىمەن بٸرگە باعدارلاماعا قوناق رەتٸندە شاقىرىلعان كەسٸپكەرلەر قايسار قازاق قىزىنىڭ مەيٸرٸمدٸلٸگٸنە, ەرلٸگٸنە العىستارىن بٸلدٸرٸپ, ٶز كٶمەكتەرٸن جاسادى.
