بٷگٸن, 15 جەلتوقسان كٷنٸ, ەسٸرتكٸ ساتتى دەگەن ايىپپپەن قىتايدا ٶلٸم جازاسىنا كەسٸلگەن قازاقستان ازاماتى ٷرٸمجٸدەن ەلگە جٸبەرٸلدٸ, دەپ جازدى قر سٸم باسپاسٶز قىزمەتٸنٸڭ جەتەكشٸسٸ ەنۋار جايناقوۆ فەيسبۋكتەگٸ پاراقشاسىندا.
سوتتى ازاماتتى قازاقستانعا بەرۋ پروتسەسٸن قازاقستاننىڭ قىتايداعى ەلشٸلٸگٸ, قر باس پروكۋراتۋراسى جەنە قىتاي ەدٸلەت مينيسترلٸگٸ ۇيىمداستىردى.
الماتى وبلىسىندا 1989 جىلى تۋعان ازاماتتى قىتايلىق قۇقىق قورعاۋ ورگاندارى گۋاندۋن پروۆينتسيياسىنىڭ گۋانچجوۋ قالاسىندا 2009 جىلى ەسٸرتكٸ تاسىمالدادى دەگەن ايىپپەن ۇستاعان بولاتىن. ول ٶلٸم جازاسىنا كەسٸلٸپ, ٷكٸمدٸ ورىنداۋ مەرزٸمٸ 2 جىلعا شەگەرٸلگەن, ال 2011 جىلى ٷكٸم ٶمٸر بويى باس بوستاندىعىنان ايىرۋ جازاسىمەن اۋىستىرىلدى.
قازاقستاندىق ديپلوماتتار مەن قر باس پروكۋراتۋراسىنىڭ قىزمەتكەرلەرٸ سوتتالعان ازاماتتاردى قازاقستانعا قايتارىپ, جازاسىن ەلٸمٸزدە ٶتەۋٸ بويىنشا قىتاي تاراپىمەن كٶپتەگەن جۇمىستار جٷرگٸزدٸ.
اعىمداعى جىلى قىتايدان قازاقستانعا تاعى دا 4 ازامات, ال 2015 جىلعى تامىزدان بەرٸ 15 سوتتالعان ازامات قايتارىلدى.
قازاقستان رەسپۋبليكاسى سىرتقى ٸستەر مينيسترلٸگٸ مەن باس پروكۋراتۋراسى وسى قىزمەتتٸ باسقا ەلدەردە دە جٷرگٸزٸپ كەلەدٸ.
